ജ​യി​ലു​ക​ളി​ൽ വി​ശു​ദ്ധ കു​ർ​ബാ​ന​യ​ർ​പ്പി​ക്കാ​ൻ അ​നു​വ​ദി​ക്കും; ജയിൽ മേധാവിയുടെ ഉത്തരവ് മരവിപ്പിച്ചു

ജയിലുകളിൽ പുറത്തുനിന്ന്​ എത്തുന്നവരുടെ മതപഠന, ആത്മീയ ക്ലാസുകൾ വേണ്ടെന്ന ജയിൽ മേധാവി ബൽറാം കുമാർ ഉപാധ്യായയുടെ വിവാദ ഉത്തരവ്​ മരവിപ്പിച്ചു. കെ.സി.ബി.സി അധ്യക്ഷൻ മുഖ്യമന്ത്രിയുമായി ചർച്ച നടത്തിയതിന്​ പിന്നാലെയാണ്​ ഉത്തരവ്​ തൽക്കാലം നടപ്പാക്കേണ്ടെന്ന്​ തീരുമാനിച്ചത്​.

ജയിലുകളിൽ പുറത്തുനിന്നുള്ള സംഘങ്ങളെത്തി നടത്തുന്ന മതപരമായ ചടങ്ങുകൾക്ക് വിലക്ക് ഏർപ്പെടുത്തി കഴിഞ്ഞ ദിവസമാണ് ജയിൽ മേധാവി ബൽറാം കുമാർ ഉപാധ്യായ ഉത്തരവിറക്കിയത്. ഇത് പ്രകാരം പ്രാർഥനകൾ, കൗൺസിലിങ് എന്നിവയ്ക്കായി സംഘടനകൾക്ക് നൽകിയ അനുമതി റദ്ദാക്കിയിരുന്നു. ഉത്തരവിനെതിരെ ക്രൈസ്തവ സഭകളുൾപ്പെടെ പരസ്യപ്രതിഷേധത്തിനിറങ്ങിയ സാഹചര്യത്തിലാണ്​ കർദിനാൾ മാർബസേലിയോസ്​ ക്ലീമിസ്​ കാതോലിക്ക ബാവ മുഖ്യമന്ത്രി പിണറായി വിജയനുമായി വിഷയം ചർച്ച ചെയ്തത്.

ഇതോടെ സം​സ്ഥാ​ന​ത്തെ ജ​യി​ലു​ക​ളി​ല്‍ ത​ട​വു​പു​ള്ളി​ക​ള്‍​ക്കാ​യു​ള്ള വി​ശു​ദ്ധ കു​ർ​ബാ​ന​യ​ര്‍​പ്പ​ണം ഉ​ള്‍​പ്പെ​ടെ​യു​ള്ള ആ​ത്മീ​യ ശു​ശ്രൂ​ഷ​ക​ൾ വി​ല​ക്കി​യി​ട്ടി​ല്ലെ​ന്ന് ജ​യി​ൽ ഡി​ജി​പി ബ​ൽ​റാം​ കു​മാ​ർ ഉ​പാ​ധ്യാ​യ നിലപാട് മാറ്റി. അ​പേ​ക്ഷ സ​മ​ർ​പ്പി​ച്ചാ​ൽ ത​ട​വു​കാ​ർ​ക്കാ​യി വി​ശു​ദ്ധ കു​ർ​ബാ​ന​യ​ർ​പ്പ​ണം ഉ​ൾ​പ്പെ​ടെ​യു​ള്ള ആ​ത്മീ​യ ആ​വ​ശ്യ​ങ്ങ​ൾ​ക്ക് അ​നു​മ​തി നൽകാമെന്നും, അ​പേ​ക്ഷ ന​ൽ​കു​ന്ന മു​റ​യ്ക്ക് വി​വി​ധ ജ​യി​ലു​ക​ളി​ൽ പെ​സ​ഹാ, ദുഃ​ഖ​വെ​ള്ളി, ഈ​സ്റ്റ​ർ ദി​ന​ങ്ങ​ളി​ലെ ആ​ത്മീ​യ ശു​ശ്രൂ​ഷ​ക​ൾ​ക്ക് സ​മ​യം അ​നു​വ​ദി​ക്കു​മെ​ന്നും ജ​യി​ൽ ഡി​ജി​പി പറഞ്ഞു.