പ്രധാനമന്ത്രി മോദിയെയും യോഗി ആദിത്യനാഥിനെയും വധിക്കുമെന്ന് ഭീഷണിപ്പെടുത്തി; യുവാവിനെ പിടികൂടി യുപി പോലീസ്
യുപി-112 എന്ന ഹെൽപ്പ് ലൈൻ നമ്പറിൽ പ്രധാനമന്ത്രി നരേന്ദ്ര മോദിയെയും ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെയും വധിക്കുമെന്ന് ഭീഷണിപ്പെടുത്തിയെന്നാരോപിച്ച് ഗോരഖ്പൂരിൽ നിന്നുള്ള 45കാരനെ പൊലീസ് കസ്റ്റഡിയിലെടുത്തു.
ഞായറാഴ്ച രാത്രി വൈകിയാണ് കോൾ ലഭിച്ചതെന്നും നഗരത്തിലെ ഭുജൗലി കോളനിയിൽ താമസിക്കുന്ന അരുൺ കുമാർ എന്ന് വിളിച്ചയാൾ സ്വയം പരിചയപ്പെടുത്തിയെന്നും ഡിയോറിയ കോട്വാലി സ്റ്റേഷൻ ഹൗസ് ഓഫീസർ (എസ്എച്ച്ഒ) ഡി കെ മിശ്ര പറഞ്ഞു.
ജില്ലയിലെ ഹർപൂർ ബുധത്തിലെ ദേവ്‌റാഡ് ഗ്രാമത്തിലേക്ക് വിളിച്ച മൊബൈൽ ഫോണിന്റെ ലൊക്കേഷൻ പോലീസ് കണ്ടെത്തി, ഇത് തിങ്കളാഴ്ച രാവിലെ അറസ്റ്റിലായ സഞ്ജയ് കുമാറിലേക്ക് നയിച്ചതായി എസ്എച്ച്ഒ പറഞ്ഞു. ഹെൽപ്പ് ലൈനിലേക്ക് വിളിച്ചപ്പോൾ പ്രതി മദ്യലഹരിയിലായിരുന്നുവെന്ന് പ്രാഥമിക അന്വേഷണത്തിൽ വ്യക്തമായതായി പോലീസ് പറഞ്ഞു. കേസെടുത്ത് പ്രതിയെ ചോദ്യം ചെയ്തു വരികയാണെന്നും അവർ കൂട്ടിച്ചേർത്തു.
