പ്രേംകുമാര് മുഖ്യാതിഥിയായി കോണ്ഗ്രസ് വേദിയില്
17 February 2026
നടനും ചലച്ചിത്ര അക്കാദമി മുന് ചെയര്മാനുമായ പ്രേംകുമാര് കോണ്ഗ്രസ് വേദിയില്. കോട്ടയം നാഗമ്പടത്ത് ഇന്ഡോര് സ്റ്റേഡിയത്തില് നടന്ന കെപിസിസിയുടെ സംസ്കാര ഉത്സവ് 2026 എന്ന പരിപാടിയിലാണ് പ്രേംകുമാര് മുഖ്യാതിഥിയായി പങ്കെടുത്തത്.
സംസ്കാര സാഹിതി ഒരു സാംസ്കാരിക സംഘടനയാണെന്നും അവരുടെ ചടങ്ങില് പങ്കെടുക്കുന്നതില് വേറെ രാഷ്ട്രീയമൊന്നും ഇല്ലെന്നും കഴിഞ്ഞ ദിവസം പ്രേംകുമാര് വ്യക്തമാക്കിയിരുന്നു.
ഇടതുപക്ഷവുമായി അകന്ന പ്രേംകുമാറിനെ നിയമസഭാ തെരഞ്ഞെടുപ്പില് മത്സരിപ്പിക്കാന് കോണ്ഗ്രസ് നേതൃത്വം ആലോചിക്കുന്നതായി റിപ്പോര്ട്ടുകള് പുറത്തുവന്നിരുന്നു. കഴക്കൂട്ടം മണ്ഡലത്തില് മത്സരിപ്പിക്കാനാണ് കോണ്ഗ്രസ് നേതൃത്വം ആലോചിക്കുന്നത് എന്നാണ് വിവരം. കഴിഞ്ഞദിവസം പ്രേംകുമാറുമായി എഐസിസി ജനറല് സെക്രട്ടറി കെസി വേണുഗോപാല് ഫോണില് സംസാരിച്ചിരുന്നു.
