ഇ പി ജയരാജനെ ഇതുവരെ കണ്ടിട്ടില്ല ; ബിസിനസ് ബന്ധമുണ്ടെങ്കിൽ ആരോപിക്കുന്നവർ തെളിയിക്കട്ടെ: രാജീവ് ചന്ദ്രശേഖർ പറഞ്ഞു
![single-img](https://www.evartha.in/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2024/03/chandrasekhar.gif)
ഇ പി ജയരാജനുമായി ബിസിനസ് ബന്ധമുണ്ടെന്ന ആരോപണം നിഷേധിച്ച് ബിജെപി നേതാവും കേന്ദ്ര മന്ത്രിയുമായ രാജീവ് ചന്ദ്രശേഖർ. ഇ പി ജയരാജനെ താൻ ഇതുവരെ കണ്ടിട്ടില്ലെന്ന് രാജീവ് ചന്ദ്രശേഖർ പറഞ്ഞു. ഇ പി ജയരാജനുമായി തനിക്ക് ബിസിനസ് ബന്ധമുണ്ടെങ്കിൽ ആരോപിക്കുന്നവർ തെളിയിക്കട്ടെ.
മാത്രമല്ല കോൺഗ്രസിന് വികസനത്തെ പറ്റി ഒന്നും പറയാനില്ലെന്നും അദ്ദേഹം വ്യക്തമാക്കി. സതീശന്റെയും കോൺഗ്രസിന്റെയും സ്ട്രാറ്റജിയാണ് ഇത് 2014 ൽ കേട്ടുതുടങ്ങിയ നുണ 2024 വരെ നീളുന്നു. നുണയല്ലാതെ വികസനത്തെക്കുറിച്ച് കോൺഗ്രസിന് ഒന്നും പറയാനില്ലെന്നും രാജീവ് ചന്ദ്രശേഖർ പറഞ്ഞു.
അതേസമയം സംസ്ഥാനത്തെ എൽഡിഎഫ് കണ്വീനര് ഇപി ജയരാജനും തിരുവനന്തപുരത്തെ ബിജെപി സ്ഥാനാര്ത്ഥി രാജീവ് ചന്ദ്രശേഖറും തമ്മില് ബിസിനസ് ബന്ധമുണ്ടെന്ന ആരോപണം ആവര്ത്തിച്ച് പ്രതിപക്ഷനേതാവ് വിഡി സതീശന് രംഗത്ത് എത്തിയിരുന്നു. ഇപി. കേസ് കൊടുത്താൽ തെളിവ് പുറത്തുവിടാമെന്നും അദ്ദേഹം പറഞ്ഞിരുന്നു.