മാഹിയിൽ നാളെ ഹർത്താൽ; മദ്യഷോപ്പുകൾക്ക് ബാധകമല്ല

മാഹിയിൽ നാളെ വ്യാപാരി വ്യവസായി ഏകോപന സമിതിയുടെ ഹർത്താൽ. സംസ്ഥാനത്തെ വിൽപന നികുതി ഉദ്യോഗസ്ഥർ മാഹിയിലെ കടകളിൽ കയറി വ്യാപാരികളെ അനാവശ്യമായി ദ്രോഹിക്കുന്ന നടപടികളിൽ പ്രതിഷേധിച്ചാണ് രാവിലെ ആറ് മുതൽ വൈകുന്നേരം ആറ് വരെ ഹർത്താൽ.

നാളെ ( ബുധനാഴ്ച) വ്യാപാര ഹർത്താൽ നടത്തുമെന്ന് മാഹി മേഖല വ്യാപാരി വ്യവസായി ഏകോപന സമിതി ചെയർമാൻ കെ.കെ.അനിൽകുമാർ അറിയിച്ചു. അറിയിപ്പ് പ്രകാരം ഹോട്ടലുകൾക്കും ബേക്കറികൾക്കും ചെറുകിട വ്യാപാരസ്ഥാപനങ്ങൾക്കും ഹർത്താൽ ബാധകമാണ്. എന്നാൽ പെട്രോൾ പമ്പുകളും മദ്യഷാപ്പുകളും സാധാരണ പോലെ പ്രവർത്തിക്കും.