വണ്ടാനം മെഡിക്കല് കോളേജിലെ ചികിത്സാപ്പിഴവ്; പ്രതിഷേധിച്ച യൂത്ത് കോണ്ഗ്രസ് വനിതാ പ്രവര്ത്തകര്ക്കെതിരെ കേസ്
21 February 2026
വണ്ടാനം മെഡിക്കല് കോളേജിലെ ചികിത്സാപ്പിഴവിനെതിരായ പ്രതിഷേധത്തില് പങ്കെടുത്ത യൂത്ത് കോണ്ഗ്രസ് വനിതാ പ്രവർത്തകർക്കെതിരെ പൊലീസ് കേസെടുത്തു.പൊലീസ് വാഹനം തടഞ്ഞതിനാണ് കേസെടുത്തത്. പൊലീസിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയെന്നാണ് എഫ്ഐആറിലെ ആരോപണം.
പ്രതിഷേധത്തിനിടെ യൂത്ത് കോണ്ഗ്രസ് പ്രവർത്തകരെ പൊലീസ് അറസ്റ്റ് ചെയ്ത് നീക്കുന്നതിനിടെയായിരുന്നു വനിതാ പ്രവർത്തകർ പൊലീസ് വാഹനം തടഞ്ഞ് പ്രതിഷേധിച്ചിരുന്നു. പൊലീസ് വാഹനം മുന്നോട്ട് എടുത്തപ്പോള് പ്രതിഷേധക്കാരിലൊരാളായ യുവതിക്ക് നിലത്ത് വീണ് പരിക്കേറ്റിരുന്നു. സംഭവത്തില് കൂടുതല് അന്വേഷണം തുടരുകയാണെന്ന് പൊലീസ് വ്യക്തമാക്കി.
