യുഡിഎഫ്–സംഘപരിവാർ ധാരണയെന്ന് പി. ജയരാജൻ; അടൂർ പൊലീസിനെതിരെ വിമർശനം

ആർഎസ്എസ്–ബിജെപി നേതാക്കളെ കേരള പൊലീസ് സംരക്ഷിക്കുകയാണെന്നും യുഡിഎഫ് സർക്കാരും സംഘപരിവാറും തമ്മിൽ ധാരണയുണ്ടെന്നും സിപിഐഎം നേതാവ് പി. ജയരാജൻ ആരോപിച്ചു. മന്ത്രിമാർ പോലും അറിയാതെയാണ് കാര്യങ്ങൾ നടക്കുന്നതെന്നും മന്ത്രിസഭയുടെ കൂട്ടുത്തരവാദിത്വം നഷ്ടപ്പെട്ടെന്നും അദ്ദേഹം വിമർശിച്ചു.

അടൂർ പൊലീസ് സ്റ്റേഷനിൽ കസ്റ്റഡിയിലുണ്ടായിരുന്നയാളെ കോൺഗ്രസ് പ്രവർത്തകർ ആക്രമിച്ചിട്ടും പൊലീസ് നടപടി സ്വീകരിച്ചില്ലെന്നും ജില്ലാ പഞ്ചായത്ത് അംഗം സ്റ്റേഷനിലെത്തി ഇയാളെ അധിക്ഷേപിക്കുകയും കയ്യേറ്റത്തിന് ശ്രമിക്കുകയും ചെയ്തെന്നും ജയരാജൻ ആരോപിച്ചു. ആക്രമികൾക്കെതിരെ ശക്തമായ വകുപ്പുകൾ ചുമത്തിയില്ലെന്നും പൊലീസ് ഉത്തരവാദിത്വം നിർവഹിച്ചില്ലെങ്കിൽ അടൂരിലെ ക്രമസമാധാന നില തകരുമെന്നും അദ്ദേഹം മുന്നറിയിപ്പ് നൽകി.