മഹുവ മൊയ്‌ത്രയുടെ കൊൽക്കത്തയിലെ വീട്ടിൽ സിബിഐ റെയ്ഡ്

പണമിടപാട് കേസിൽ തൃണമൂൽ കോൺഗ്രസ് നേതാവ് മഹുവ മൊയ്ത്രയുടെ കൊൽക്കത്തയിലെ വീട്ടിൽ സിബിഐ ഇന്ന് പരിശോധന നടത്തി. മഹുവ മൊയ്‌ത്രയ്‌ക്കെതിരെ സിബിഐ പ്രഥമവിവര റിപ്പോർട്ട് രജിസ്റ്റർ ചെയ്തതിന് തൊട്ടുപിന്നാലെയാണിത്. മൊയ്‌ത്രയ്‌ക്കെതിരായ ആരോപണങ്ങൾ അന്വേഷിച്ച് ആറ് മാസത്തിനകം റിപ്പോർട്ട് സമർപ്പിക്കാൻ അഴിമതി വിരുദ്ധ സമിതി ലോക്പാൽ ഈ ആഴ്ച ആദ്യം സിബിഐയോട് ആവശ്യപ്പെട്ടിരുന്നു.

“രേഖയിലുള്ള മുഴുവൻ കാര്യങ്ങളും സൂക്ഷ്മമായി വിലയിരുത്തുകയും പരിഗണിക്കുകയും ചെയ്ത ശേഷം, റെസ്പോണ്ടൻ്റ് പബ്ലിക് സെർവൻ്റിനെതിരെ (ആർപിഎസ്) ഉന്നയിക്കപ്പെട്ട ആരോപണങ്ങൾ, അവയിൽ മിക്കതും വ്യക്തമായ തെളിവുകളുടെ പിന്തുണയുള്ള, സ്വഭാവത്തിൽ വളരെ ഗൗരവമുള്ളതാണെന്ന കാര്യത്തിൽ സംശയമില്ല. ”ലോക്പാൽ ഉത്തരവിൽ പറഞ്ഞു.