ഒരു മാസത്തിനിടെ മൂന്നാമതും വന്ദേ ഭാരത് എക്സ്പ്രസ് അപകടത്തിൽപ്പെട്ടു

single-img
29 October 2022

ഗുജറാത്തിൽ വെച്ച് വീണ്ടും സെമി ഹൈസ്പീഡ് ട്രെയിൻ വന്ദേ ഭാരത് എക്‌സ്പ്രസ് അപകടത്തിൽപ്പെട്ടു. വൽസാദിലെ അതുൽ റെയിൽവേ സ്റ്റേഷനിലായിരുന്നു അപകടം. കാള ഇടിച്ചതിനെ തുടർന്ന് വന്ദേ ഭാരത് എക്‌സ്പ്രസിന്റെ മുൻഭാഗം തകർന്നു.

കഴിഞ്ഞ ഒരു മാസത്തിനിടെ ഇത് മൂന്നാമത്തെ സംഭവമാണ്. ഈ ഒക്ടോബർ 6 ന് അഹമ്മദാബാദിൽ വച്ച് മുംബൈയിൽ നിന്ന് ഗാന്ധിനഗറിലേക്ക് പോവുകയായിരുന്ന വന്ദേ ഭാരത് എക്‌സ്‌പ്രസ് എരുമക്കൂട്ടവുമായി കൂട്ടിയിടിച്ചിരുന്നു. പിന്നാലെ ഒരു ദിവസം കഴിഞ്ഞ്ഗു ജറാത്തിലെ ആനന്ദിൽ വന്ദേഭാരത് പശുവുമായി കൂട്ടിയിടിച്ചു.

ഇപ്പോൾ മഹാരാഷ്ട്രയിലെ മുംബൈ സെൻട്രലിൽ നിന്ന് ഗുജറാത്തിലെ ഗാന്ധിനഗറിലേക്ക് പുറപ്പെട്ട വന്ദേ ഭാരത് എക്‌സ്പ്രസ് ട്രെയിൻ കാളയുമായി കൂട്ടിയിടിക്കുകയായിരുന്നു. ഇന്ന് രാവിലെ 8.17 ഓടെയാണ് വന്ദേ ഭാരത് എക്‌സ്പ്രസും കാളയും തമ്മിൽ കൂട്ടിയിടിച്ചത്. അപകടത്തിൽ വന്ദേ ഭാരത് എക്‌സ്പ്രസ് ട്രെയിനിന്റെ മുൻഭാഗം തകർന്നു. ഇതോടെ 15 മിനിറ്റോളം ട്രെയിൻ അവിടെ നിർത്തിയിട്ടു.ഇത്തരത്തിൽ അപകടം പതിവായതോടെ ഇക്കാര്യത്തിൽ ശ്രദ്ധ ചെലുത്തുമെന്ന് റെയിൽവേ അറിയിച്ചു.