ലോക ടെസ്‌റ്റ് ചാമ്പ്യൻഷിപ്പ് ഫൈനൽ: ഓസ്‌ട്രേലിയൻ കളിക്കാർ ഏറ്റവും കൂടുതൽ വിലമതിക്കുന്ന വിക്കറ്റ് കോഹ്‌ലിയുടേത് : റിക്കി പോണ്ടിങ്
വിരാട് കോഹ്‌ലി കരിയറിൽ ഇപ്പോൾ തന്റെ ഏറ്റവും മികച്ച നിലയിലേക്ക് തിരിച്ചെത്തിയെന്നും ഉടൻ നടക്കാനിരിക്കുന്ന ഐസിസി ലോക ടെസ്‌റ്റ് ചാമ്പ്യൻഷിപ്പ് ഫൈനലിൽ ഓസ്‌ട്രേലിയൻ കളിക്കാർ ഏറ്റവും കൂടുതൽ വിലമതിക്കുന്ന വിക്കറ്റ് താരത്തിന്റെ വിക്കറ്റായിരിക്കുമെന്നും ഓസ്‌ട്രേലിയൻ ഇതിഹാസം റിക്കി പോണ്ടിംഗ്. ന്യൂഡൽഹിയിൽ നടന്ന ഔദ്യോഗിക കർട്ടൻ റൈസറിൽ സംസാരിക്കുകയായിരുന്നു പോണ്ടിംഗ്.
ഈ വർഷം ജൂൺ 7ന് ഓവലിൽ ആരംഭിക്കുന്ന ലോക ടെസ്‌റ്റ് ചാമ്പ്യൻഷിപ്പിൽ ഇന്ത്യയും ഓസ്‌ട്രേലിയയും തങ്ങളുടെ മത്സരം കളിക്കും. ആധുനിക ലോക ക്രിക്കറ്റിലെ രണ്ട് പ്രബല ശക്തികൾ ഏറ്റവും ദൈർഘ്യമേറിയ ഫോർമാറ്റിൽ മുഖാമുഖം വരുന്നതിനാൽ, ആരാധകർ കാത്തിരിപ്പിലാണ്. ഐസിസി സംഘടിപ്പിച്ച പരിപാടിയിൽ പോണ്ടിംഗ് ഇന്ത്യയും ഓസ്‌ട്രേലിയയും മത്സരിക്കുന്ന ട്രോഫിയായ ടെസ്‌റ്റ് മേസ് അനാച്ഛാദനം ചെയ്‌തു, തുടർന്ന് പ്രാദേശിക അക്കാദമിയിലെ കുട്ടികളുമായും മാധ്യമങ്ങളുമായും സംവദിച്ചു.
“ഒരു മാസം മുമ്പ് ഞങ്ങൾ ബാംഗ്ലൂരിൽ കളിച്ചപ്പോൾ ഞാൻ വിരാടിനെ കണ്ടുമുട്ടി,” പോണ്ടിംഗ് പറഞ്ഞു. ” അയാളുടെ ബാറ്റിംഗിനെക്കുറിച്ചും കരിയറിനെക്കുറിച്ചും ഞാൻ കോഹ്ലിയോടു നന്നായി സംസാരിച്ചു. പിന്നെ വിരാട് എന്നോട് പറഞ്ഞു, അവൻ തന്റെ ഏറ്റവും മികച്ച നിലയിലേക്ക് തിരിച്ചെത്തിയതായി തോന്നുന്നുവെന്ന്.” പോണ്ടിംഗ് പറഞ്ഞു.
