കഥാപാത്രത്തിന്റെ പൂർണ്ണതയ്ക്ക് വേണ്ടി ഇന്റിമേറ്റ് രംഗങ്ങൾ ചെയ്യേണ്ടി വരും: രജിഷ വിജയൻ
അനുരാഗ കരിക്കിൻവെള്ളം എന്ന ബിജുമേനോൻ ചിത്രത്തിലൂടെ നായികയായി അരങ്ങേറി മലയാളികളുടെ പ്രിയപ്പെട്ട നടിയായി മാറിയ നടിയാണ് രജിഷ വിജയൻ. ഇപ്പോഴിതാ സിനിമയിലെ ഇന്റിമേറ്റ് രംഗങ്ങളിൽ അഭിനയിക്കുന്നതിനെ കുറിച്ച് പറഞ്ഞ രജിഷയുടെ വാക്കുകൾ ശ്രദ്ധനേടുകയാണ്.
ഒരു സിനിമയുടെ പൂർണ്ണതയ്ക്ക് വേണ്ടി ആ രീതിയിലുള്ള സീനുകളിൽ അഭിനയിക്കേണ്ടി വരുമെന്ന് താരം പറയുന്നു. ‘സിനിമയിൽ വരുന്ന ഇന്റിമേറ്റ് രംഗങ്ങൾ സോഷ്യൽ മീഡിയയിൽ ആഘോഷിക്കുന്നതിനെ കുറിച്ച് ഒന്നും പറയാനില്ല.
സിനിമയിൽ അവതരിപ്പിക്കുന്ന കഥാപാത്രത്തിന്റെ പൂർണ്ണതയ്ക്ക് വേണ്ടി അങ്ങനെ ചെയ്യേണ്ടി വരും. ആ രീതിയിലുള്ള സോഷ്യൽ മീഡിയ ആഘോഷങ്ങളൊന്നും കാണാൻ ആഗ്രഹമില്ല. അതൊന്നും എന്നിലെ നടിയെ ഒട്ടും ബാധിക്കുന്ന കാര്യവുമല്ല. സോഷ്യൽ മീഡിയകൾ നമ്മുടെ നല്ല നേരങ്ങൾ അപഹരിച്ചെടുക്കും.
അതിനാൽ തന്നെ താൻ സോഷ്യൽ മീഡിയയിൽ ഒട്ടും ആക്ടീവ് അല്ല. വാട്‌സ്ആപ്പ് ഇല്ലാത്ത മൊബൈൽ ഫോണാണ് ഉപയോഗിക്കുന്നത്. യഥാർത്ഥത്തിൽ അത് താൻ ഒരുപാട് അസ്വദിക്കാറുമുണ്ട്. ഈ ഡിജിറ്റൽ ലോകത്ത് ജീവിപ്പുമ്പോൾ യാഥാർത്ഥ്യവുമായുള്ള ബന്ധം നഷ്ടമാകുമെന്ന് എനിക്ക് ഭയമുണ്ട്. ഈ ലോകം തീർത്തും വ്യത്യസ്തമാണ്. ഒട്ടും അർത്ഥമില്ലാത്ത ഒരു ഡിജിറ്റൽ ലോകമായി ഇത് മാറി.
നമുക്ക് ഒരുപാട് നല്ല കാര്യങ്ങൾ ചെയ്യാനുള്ള വിലയേറിയ സമയമാണ് നഷ്ടമാവുന്നത്. നല്ല നിമിഷങ്ങൾക്കായി മാറ്റി വെക്കേണ്ട ജീവിതത്തിലെ നേരങ്ങൾ അത് അപഹരിച്ചെടുക്കും. അതുകൊണ്ടാണ് ഞാൻ സോഷ്യൽ മീഡിയയിൽ ഒട്ടും ആക്റ്റീവ് അല്ലാത്തത്. ഡിജിറ്റൽ ലോകത്ത് നിന്ന് മാറി നിൽക്കാൻ ഞാൻ ആഗ്രഹിക്കുന്നു. ഇതു വരെ അതിന്റെ പേരിൽ എനിക്കൊരു പ്രശ്‌നവുമുണ്ടായിട്ടില്ല’- രജിഷ വിജയൻ പറഞ്ഞു.
