ട്രംപ് വീണ്ടും മത്സരിച്ചില്ലെങ്കിൽ ഞാൻ മത്സരിക്കുമോയെന്ന് എനിക്ക് ഉറപ്പില്ല: ജോ ബൈഡൻ

അമേരിക്കൻ മുൻ പ്രസിഡന്റ് ഡൊണാൾഡ് ട്രംപ് വീണ്ടും പ്രസിഡന്റ് തെരഞ്ഞെടുപ്പിൽ മത്സരിക്കാൻ ശ്രമിക്കുന്നില്ലെങ്കിൽ 2024ൽ വൈറ്റ് ഹൗസിൽ രണ്ടാം തവണയും താൻ മത്സരക്കുമോ എന്ന് തനിക്ക് ഉറപ്പില്ലെന്ന് പ്രസിഡന്റ് ബൈഡൻ .’ട്രംപ് വീണ്ടും മത്സരിച്ചില്ലെങ്കിൽ, ഞാൻ മത്സരിക്കുമെന്ന് എനിക്ക് ഉറപ്പില്ല. പക്ഷേ രാജ്യത്തിന്‌വേണ്ടി അദ്ദേഹത്തെ വിജയിപ്പിക്കാൻ ഞങ്ങൾക്ക് കഴിയില്ല,’ മസാച്യുസെറ്റ്‌സിലെ ബോസ്റ്റണിനടുത്തുള്ള ഒരു സ്വകാര്യ ഭവനത്തിൽ നടന്ന ധനസമാഹരണത്തിൽ പ്രസിഡന്റ് പറഞ്ഞു.

തെരഞ്ഞെടുപ്പിലൂടെ വൈറ്റ് ഹൗസ് തിരികെ നേടിയാൽ ട്രംപ് അമേരിക്കയുടെ ജനാധിപത്യത്തിന് ഉയർത്തുന്നത് ഭീഷണിയാണെന്ന് താനും ഡെമോക്രാറ്റുകളും ഊന്നിപ്പറഞ്ഞ കാര്യം ആവർത്തിച്ച് പറയുന്നതിനിടെയാണ് വീണ്ടും തിരഞ്ഞെടുപ്പിൽ മത്സരിക്കുന്നതിനുള്ള കാരണങ്ങളെക്കുറിച്ച് ബൈഡൻ സത്യസന്ധമായ അഭിപ്രായം രേഖപ്പെടുത്തിയത്.

അതേസമയം, തുടർച്ചയായി മൂന്നാമതും പ്രസിഡന്റ് സ്ഥാനത്തേക്ക് മത്സരിക്കുന്നതിനാൽ, റിപ്പബ്ലിക്കൻ പ്രസിഡൻഷ്യൽ നോമിനേഷനിൽ ട്രംപ് കമാൻഡിംഗ് ഫ്രണ്ട് റണ്ണറായി തുടരുകയാണ് . അമേരിക്കയുടെ ചരിത്രത്തിലെ ഏറ്റവും പ്രായം കൂടിയ പ്രസിഡന്റ് 81കാരനായ ബൈഡന്റെ അംഗീകാര റേറ്റിംഗുകളും അദ്ദേഹത്തിന്റെ ആരോഗ്യസ്ഥിതിയെക്കുറിച്ചുള്ള വോട്ടർമാരുടെ ആശങ്കകളും അഭിമുഖീകരിക്കുന്നു.