സംസ്ഥാനത്തെ വോട്ടെണ്ണല് കേന്ദ്രങ്ങളിലെ മുറികള് വോട്ടെണ്ണല് കഴിയുന്നതു വരെ തുറക്കരുത്; നിര്ദേശം നല്കി മുഖ്യ തെരഞ്ഞെടുപ്പ് ഓഫീസര്
21 April 2026
വോട്ടെണ്ണല് കേന്ദ്രങ്ങളിലെ മുറികള് വോട്ടെണ്ണല് കഴിയുന്നതു വരെ തുറക്കരുതെന്ന് നിര്ദേശം. സംസ്ഥാന ചീഫ് ഇലക്ടറല് ഓഫീസര് രത്തന് ഖേല്ക്കറാണ് നിര്ദേശം നല്കിയത്. വോട്ടെണ്ണല് കേന്ദ്രങ്ങളിലെ സീല് ചെയ്യാത്ത മുറികളും തുറക്കേണ്ടതില്ലെന്നാണ് നിര്ദേശിച്ചിട്ടുള്ളത്. പേരാമ്പ്ര, നെന്മാറ സംഭവങ്ങളുടെ പശ്ചാത്തലത്തിലാണ് നിര്ദേശം.
ജില്ലകളിലെ മുഖ്യ വരണാധികാരികളായ ജില്ലാ കലക്ടര്മാര്ക്കാണ് നിര്ദേശം നല്കിയിട്ടുള്ളത്. പേരാമ്പ്ര മണ്ഡലത്തിലെ വോട്ടിങ്ങ് മെഷീനുകള് സൂക്ഷിക്കുന്ന കോഴിക്കോട് വെള്ളിമാടുകുന്ന് ജെഡിടി ഇസ്ലാം കണ്വെന്ഷന് സെന്ററിലെ മെറ്റീരിയല് റൂം തുറന്നത് വിവാദമായിരുന്നു. എന്നാല് ജെഡിടിയിലെ സ്ട്രോങ് റൂം തുറന്നു എന്ന വാര്ത്ത തെറ്റാണെന്ന് പേരാമ്പ്ര റിട്ടേണിങ് ഓഫിസര് വിശദീകരിച്ചിരുന്നു.
