സുഹാൻ്റെ മരണം; അന്വേഷണം നടത്താൻ കളക്ടർക്ക് നിർദേശം നൽകി മന്ത്രി വി ശിവന്കുട്ടി
ചിറ്റൂരിലെ ആറുവയസ്സുകാരന്റെ മരണം നടുക്കമുണ്ടാക്കിയെന്ന് വിദ്യാഭ്യാസ മന്ത്രി വി ശിവന്കുട്ടി. വിശദമായ അന്വേഷണം നടത്താന് ജില്ലാ കളക്ടര്ക്ക് നിര്ദേശം നല്കിയതായി മന്ത്രി ഫേസ്ബുക്കില് അറിയിച്ചു. കുടുംബത്തിന് നിയമപരമായ സഹായം ഉറപ്പുവരുത്തും, ആറ് വയസ്സുകാരന് സുഹാന് വിട പറഞ്ഞു എന്ന വാര്ത്ത അത്യന്തം വേദനിപ്പിക്കുന്നതാണെന്ന് വി ശിവന്കുട്ടി പറഞ്ഞു.
‘യുകെജി വിദ്യാര്ത്ഥിയായ ആ കുരുന്നിനെ കുളത്തില് മരിച്ച നിലയില് കണ്ടെത്തി എന്നറിഞ്ഞപ്പോള് വലിയ നടുക്കമാണുണ്ടായത്.ഒരു നാടിനെ മുഴുവന് സങ്കടത്തിലാക്കിയ ഈ വിയോഗത്തില് കുടുംബത്തിന്റെ ദുഃഖത്തില് ഞാനും പങ്കുചേരുന്നു.
മകനെ നഷ്ടപ്പെട്ട മാതാപിതാക്കളെ ആശ്വസിപ്പിക്കാന് വാക്കുകളില്ല. വിഷയവുമായി ബന്ധപ്പെട്ട് പ്രദേശത്തെ ജനപ്രതിനിധികളുമായും സംസാരിച്ചു.കുടുംബത്തിന് നിയമപരമായി വേണ്ട എല്ലാ സഹായങ്ങളും സര്ക്കാര് ഉറപ്പുവരുത്തും. സുഹാന്റെ ഓര്മ്മകള്ക്ക് മുന്നില് പ്രണാമം. ആദരാഞ്ജലികള്’, മന്ത്രി പറഞ്ഞു.
