ഏഷ്യൻ ഗെയിംസിൽ സിന്ധുവിന്റെ കുതിപ്പ്; ക്വാർട്ടർ ഫൈനലിൽ പ്രവേശനം

ഏഷ്യൻ ഗെയിംസ് ബാഡ്മിന്റൺ വനിതാ സിംഗിൾസിൽ ഇന്ത്യയുടെ പി.വി. സിന്ധു ക്വാർട്ടർ ഫൈനലിൽ പ്രവേശിച്ചു. ജപ്പാന്റെ ടൊമോക്ക മിയാസാക്കിയെ നേരിട്ടുള്ള സെറ്റുകൾക്ക് തോൽപ്പിച്ചാണ് സിന്ധു അവസാന എട്ടിൽ ഇടം നേടിയത്.

മത്സരത്തിന്റെ തുടക്കം മുതൽ തന്നെ മികച്ച പ്രകടനം കാഴ്ചവെച്ച സിന്ധു ആദ്യ ഗെയിം 21-9ന് അനായാസം സ്വന്തമാക്കി. രണ്ടാം ഗെയിമിലും ആധിപത്യം തുടർന്ന ഇന്ത്യൻ താരം 21-13ന് വിജയമുറപ്പിച്ച് ക്വാർട്ടർ ഫൈനൽ ടിക്കറ്റ് ഉറപ്പിക്കുകയായിരുന്നു.

നേരത്തെ വനിതാ ടീം ഇനത്തിൽ ഇന്ത്യ ജപ്പാനോട് പരാജയപ്പെട്ട് പുറത്തായിരുന്നു. ആ മത്സരത്തിൽ സിന്ധു ജപ്പാന്റെ അകാനെ യമാഗുച്ചിയോട് തോറ്റിരുന്നു. മലയാളി താരം ട്രീസ ജോളിയും ഗായത്രി ഗോപീചന്ദും ചേർന്ന സഖ്യം മാത്രമാണ് ഇന്ത്യക്കായി അന്ന് വിജയം നേടിയത്.