സി​ൽ​വ​ർലൈ​ൻ: കർണാടക മുഖ്യമന്ത്രി ബ​സ​വ​രാ​ജ് ബൊ​മ്മെയു​മാ​യി ഇന്ന് പിണറായി വിജയൻ കൂ​ടി​ക്കാ​ഴ്ച ന​ട​ത്തും

സി​ൽ​വ​ർ​ലൈ​ൻ ഹൈ​സ്പീ​ഡ് ട്രെ​യി​ൻ പ​ദ്ധ​തി​യെ സം​ബ​ന്ധി​ച്ച ച​ർ​ച്ച​ക​ൾ​ക്കാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഇ​ന്നു ക​ർ​ണാ​ട​ക മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മെയു​മാ​യി കൂ​ടി​ക്കാ​ഴ്ച ന​ട​ത്തും. രാ​വി​ലെ 9.30ന് ​ബം​ഗ​ളൂ​രു​വി​ലെ വി​ധാ​ൻ​സൗ​ധി​ലാ​ണ് കൂ​ടി​ക്കാ​ഴ്ച. സി​ൽ​വ​ർ​ലൈ​ൻ പ​ദ്ധ​തി മം​ഗ​ലാ​പു​ര​ത്തേ​യ്ക്കു നീ​ട്ടു​ന്ന​ത് അ​ട​ക്ക​മു​ള്ള വി​ഷ​യ​ങ്ങ​ൾ ച​ർ​ച്ച​യി​ൽ കേ​ര​ളം ഉ​ന്ന​യി​ക്കു​മെ​ന്നാ​ണ് സൂ​ച​ന.

ദക്ഷിണമേഖല കൗൺസിൽ യോഗത്തിലാണ് അന്തർ സംസ്ഥാന അതിവേഗ റയില്‍പാത വേണം എന്ന നിർദ്ദേശം തമിഴ്നാട് മുഖ്യമന്ത്രി എം.കെ.സ്റ്റാലിൻ ആദ്യം ഉന്നയിക്കുന്നത്. കേന്ദ്ര ആഭ്യന്തരമന്ത്രി അമിത് ഷാ അധ്യക്ഷത വഹിച്ച ദക്ഷിണേന്ത്യന്‍ കൗണ്‍സില്‍ യോഗത്തിൽ കേരളത്തിന് പുറമെ കര്‍ണാടക, ആന്ധ്ര, തെലങ്കാന മുഖ്യമന്ത്രിമാരും പോണ്ടിച്ചേരി, ലക്ഷദ്വീപ്, ആന്‍ഡമാന്‍ എന്നീ കേന്ദ്രഭരണപ്രദേശങ്ങളിലെ ലഫ്റ്റനന്റ് ഗവര്‍ണമാരും പങ്കെടുത്തിരുന്നു.

സ​ർ​വേ ന​ട​പ​ടി​ക​ൾ​ക്ക് ക​ർ​ണാ​ട​ക ഇ​തു​വ​രെ അ​നു​മ​തി ന​ൽ​കി​യി​ട്ടി​ല്ലാ​ത്ത നി​ല​ന്പൂ​ർ- ന​ഞ്ച​ൻ​കോ​ഡ് റെ​യി​ൽ​പാ​ത​യു​മാ​യി ബ​ന്ധ​പ്പെ​ട്ടു​ള്ള വി​ശ​ദ​മാ​യ ച​ർ​ച്ച​യും കൂ​ടി​ക്കാ​ഴ്ച​യി​ൽ ന​ട​ക്കും. പാ​ത​യ്ക്ക് ക​ർ​ണാ​ട​ക സ​ർ​ക്കാ​രി​ന്‍റെ അ​നു​മ​തി നേ​ടി​യാ​ൽ മാ​ത്ര​മാ​ണ് പ​ദ്ധ​തി ആ​രം​ഭി​ക്കു​വാ​ൻ സാ​ധി​ക്കു​ക. ബ​ന്ദി​പ്പൂ​ർ വ​ന്യ​ജീ​വി സ​ങ്കേ​തം വ​ഴി​യു​ള്ള രാ​ത്രി​യാ​ത്ര നി​രോ​ധ​നം ഒ​ഴി​വാ​ക്കു​ന്ന​തി​നു​ള്ള ച​ർ​ച്ച​യും കൂ​ടി​ക്കാ​ഴ്ച​യി​ൽ ന​ട​ക്കും