മുംബൈ ബോംബ് ഭീഷണി വ്യാജം; വിളിച്ചയാൾ മാനസിക രോഗിയാണെന്ന് പോലീസ്

മാനസിക അസ്വാസ്ഥ്യമുള്ള 32 കാരനായ ഒരാൾ മുംബൈയിൽ ബോംബ് ഉണ്ടെന്ന് മഹാരാഷ്ട്ര പോലീസിന്റെ കൺട്രോൾ റൂമിലേക്ക് വ്യാജ സന്ദേശം നൽകിയതായി പോലീസ് ഞായറാഴ്ച പറഞ്ഞു. പോലീസ് ഇയാളെ അമരാവതിയിl കണ്ടെത്തി, എന്നാൽ മാനസികാസ്വാസ്ഥ്യമുള്ളയാളാണെന്ന് കണ്ടെത്തിയതിനാൽ അറസ്റ്റ് ചെയ്തിട്ടില്ലെന്ന് അമരാവതി പോലീസിലെ ഉദ്യോഗസ്ഥൻ പറഞ്ഞു.

രാജാ പേത്ത് പോലീസ് സ്റ്റേഷൻ പരിധിയിൽ താമസിക്കുന്ന ഇയാൾ ശനിയാഴ്ച വൈകുന്നേരം സംസ്ഥാന പോലീസിന്റെ 112 എമർജൻസി ഹെൽപ്പ് ലൈൻ നമ്പറിൽ വിളിച്ചതായി അദ്ദേഹം പറഞ്ഞു. മുംബൈയിൽ ബോംബ് സ്‌ഫോടനം നടക്കുമെന്ന് വിളിച്ച് പറഞ്ഞശേഷം ഫോൺ വിച്ഛേദിക്കുകയായിരുന്നുവെന്ന് ഉദ്യോഗസ്ഥർ പറഞ്ഞു. ഇയാൾ മാനസികമായി അസ്ഥിരനാണെന്നും മാനസിക ചികിത്സയ്ക്ക് വിധേയനാണെന്നും ഉദ്യോഗസ്ഥർ പറഞ്ഞു.