സംസ്ഥാനത്ത് ഇന്നും ശക്തമായ മഴയ്ക്ക് സാധ്യത
![single-img](https://www.evartha.in/wp-content/themes/nextline_evartha_v2/images/footer_logo.png)
31 August 2022
![](https://www.evartha.in/wp-content/uploads/2022/08/n4183178441661910536020570c3e7bd5a389ccd219c7bdf27d23149bc77a413b0589622835adaa64f9bf1c.jpg)
സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. എല്ലാ ജില്ലകളിലും യെല്ലോ അലര്ട്ടാണെങ്കിലും ഒറ്റപ്പെട്ട അതിശക്തമായ മഴയെ കരുതിരിക്കണം എന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
ഉച്ചയ്ക്ക് ശേഷം മഴ ശക്തമാകാനും പുലര്ച്ചെ വരെ മഴ തുടരാനും സാധ്യത ഉണ്ട്. അതിനാല് മലയോരമേഖലകളില് അടക്കം കനത്ത ജാഗ്രത വേണം എന്നാണ് നിര്ദേശം.തിരുവനന്തപുരം മുതല് എറണാകുളം വരെയുള്ള കിഴക്കന് മേഖലകളിലാണ് കൂടുതല് മഴ സാധ്യത. തെക്കേ ഇന്ത്യക്ക് മുകളിലായി നിലനില്ക്കുന്ന അന്തരീക്ഷ ചുഴിയും അതിന് കാരണമായ താഴ്ന്ന മര്ദ്ദനിലയുമാണ് ഒറ്റപ്പെട്ട കനത്ത മഴ ലഭിക്കുന്നതിന് കാരണം. ഇത് വടക്കോട്ട് നീങ്ങുന്നതിന് അനുസരിച്ച് വടക്കന് കേരളത്തില് മഴ ശക്തമായേക്കും.