കിഴക്കന്‍ പാപുവ ന്യൂ ഗിനിയില്‍ ഭൂചലനം; 7.6 തീവ്രത രേഖപ്പെടുത്തി
ജക്കാര്‍ത്ത (ഇന്തോനേഷ്യ) : കിഴക്കന്‍ പാപുവ ന്യൂ ഗിനിയില്‍ ഞായറാഴ്ച 7.6 തീവ്രത രേഖപ്പെടുത്തിയ ഭൂചലനം ഉണ്ടായതായി റിപ്പോര്ട്ട്.
തീരദേശ പട്ടണമായ മഡാങിന് സമീപമുള്ള കെട്ടിടങ്ങള്‍ക്ക് കേടുപാടുകള്‍ സംഭവിച്ചതായി പ്രദേശവാസികള്‍ റിപ്പോര്ട്ട് ചെയ്തു. ഭൂചലനം റിപ്പോര്ട്ട് ചെയ്ത യുഎസ് ജിയോളജിക്കല്‍ സര്‍വേ സുനാമി മുന്നറിയിപ്പ് നല്‍കിയെങ്കിലും ഭീഷണി നീങ്ങിയതായി അറിയിച്ചു.
എന്നാല്‍ ചില തീരപ്രദേശങ്ങളില്‍ ഇപ്പോഴും ഉയര്‍ന്ന തിരമാലകള്‍ക്ക് സാധ്യതയുണ്ടെന്നും മുന്നറിയിപ്പുണ്ട്. പപ്പുവ ന്യൂ ഗിനിയയുടെ ചില ഭാഗങ്ങളില്‍ വൈദ്യുതി തകരാറുകളും കെട്ടിടങ്ങള്‍ക്ക് കേടുപാടുകളും റിപ്പോര്ട്ട് ചെയ്യപ്പെട്ടിട്ടുണ്ട്. ഭൂചലനത്തിന്റെ പ്രഭവകേന്ദ്രത്തിനടുത്തുള്ള പട്ടണങ്ങള്‍ മുതല്‍ ഏകദേശം 300 മൈല്‍ (480 കിലോമീറ്റര്‍) അകലെയുള്ള പോര്‍ട്ട് മോറെസ്ബിയുടെ തലസ്ഥാനം വരെ വ്യാപകമായി ഭൂമികുലുക്കം അനുഭവപ്പെട്ടു.
കിഴക്കന്‍ ഹൈലാന്‍ഡ് പട്ടണമായ ഗൊറോക്കയിലെ ഒരു സര്‍വ്വകലാശാലയ്ക്ക് കേടുപാടുകള്‍ സംഭവിച്ചതിന്റെ ചിത്രങ്ങളും വീഡിയോയും പുറത്തുവന്നിട്ടുണ്ട്. ഭൂചലനത്തില്‍ ഭിത്തികളില്‍ വലിയ വിള്ളലുകള്‍ സംഭവിച്ചിട്ടുണ്ട്. ജനാലകള്‍ വീണു. മുന്‍ ഭൂചലനങ്ങളേക്കാള്‍ വളരെ ശക്തമായിരുന്നു ഇത്തവണത്തേതെന്നാണ് ഭൂകമ്ബത്തിന്റെ പ്രഭവകേന്ദ്രത്തിന് ഏറ്റവും അടുത്തുള്ള ലെയിലും മഡംഗിലുമുള്ള പ്രദേശവാസികള്‍ എഎഫ്‌പിയോട് പറഞ്ഞത്.
കൈനന്തു പട്ടണത്തില്‍ നിന്ന് 67 കിലോമീറ്റര്‍ അകലെ 61 കിലോമീറ്റര്‍ (38 മൈല്‍) ആഴത്തിലാണ് ഭൂചലനം ഉണ്ടായതെന്ന് യുഎസ്ജിഎസ് അറിയിച്ചു.അയല്‍രാജ്യമായ ഇന്തോനേഷ്യയില്‍ 2004-ല്‍ ഉണ്ടായ 9.1 തീവ്രത രേഖപ്പെടുത്തിയ ഭൂചലനം സുനാമിക്ക് കാരണമായിരുന്നു.
