സിപിഎം സംസ്ഥാന സെക്രട്ടറി എം.വി.ഗോവിന്ദന് പൊളിറ്റ് ബ്യൂറോയില്
31 October 2022
ദില്ലി: സിപിഎം സംസ്ഥാന സെക്രട്ടറി എം.വി.ഗോവിന്ദന് പൊളിറ്റ് ബ്യൂറോയില്. കോടിയേരി ബാലകൃഷ്ണന്റെ ഒഴിവിലേക്കാണ് ഗോവിന്ദനെ തെരഞ്ഞെടുത്തത്.
ദില്ലിയില് ചേര്ന്ന സിപിഎം കേന്ദ്ര കമ്മിറ്റി യോഗത്തില് എം.വി.ഗോവിന്ദനെ സിപിഎം ജനറല് സെക്രട്ടറി സീതാറാം യെച്ചൂരി പിബിയിലേക്ക് നിര്ദേശിച്ചു. കേന്ദ്രകമ്മിറ്റി ഈ തീരുമാനം ഒറ്റക്കെട്ടായി അംഗീകരിക്കുകയായിരുന്നു. നിലവില് സിപിഎം കേന്ദ്ര കമ്മിറ്റിയംഗമാണ് എം.വി.ഗോവിന്ദന്. സിസിയോഗ തീരുമാനങ്ങള് വിശദീകരിക്കുന്നതിനിടെ യെച്ചൂരിയാണ് പ്രഖ്യാപനം നടത്തിയത്. തുടര്ന്ന് എം.വി.ഗോവിന്ദനെ അദ്ദേഹം വേദിയിലേക്ക് ക്ഷണിച്ചു. പാര്ട്ടി ഏല്പ്പിച്ച ഉത്തരവാദിത്തത്തില് സന്തോഷമുണ്ടെന്ന് ഗോവിന്ദന് പ്രതികരിച്ചു.
