ലോക്‌സഭാ തെരഞ്ഞെടുപ്പ്: ചാനലുകളിലെ എക്‌സിറ്റ് പോൾ ചർച്ചകളിൽ കോൺഗ്രസ് പങ്കെടുക്കില്ല
31 May 2024
ടെലിവിഷൻ ചാനലുകളിലെ ലോക്‌സഭാ എക്‌സിറ്റ് പോൾ ചർച്ചകളിൽ പങ്കെടുക്കേണ്ടതില്ലെന്നും ടിആർപിക്കുവേണ്ടി ഊഹാപോഹങ്ങളിൽ ഏർപ്പെടാൻ ആഗ്രഹിക്കുന്നില്ലെന്നും കോൺഗ്രസ് വ്യക്തമാക്കി. വോട്ടർമാർ വോട്ട് രേഖപ്പെടുത്തി, അവരുടെ വിധി ഉറപ്പായതായി കോൺഗ്രസ് വക്താവും മാധ്യമ വിഭാഗം ചെയർപേഴ്സനുമായ പവൻ ഖേര പറഞ്ഞു.
“എക്‌സിറ്റ് പോളുകളെക്കുറിച്ചുള്ള ചർച്ചകളിൽ ഇന്ത്യൻ നാഷണൽ കോൺഗ്രസ് പങ്കെടുക്കില്ല. ഏതൊരു സംവാദത്തിൻ്റെയും ലക്ഷ്യം ജനങ്ങളെ അറിയിക്കുക എന്നതായിരിക്കണം. ജൂൺ 4 മുതൽ ഞങ്ങൾ സന്തോഷത്തോടെ സംവാദങ്ങളിൽ പങ്കെടുക്കും,” ഖേര പ്രസ്താവനയിൽ പറഞ്ഞു. പാർട്ടിക്കുള്ളിലെ കൂടിയാലോചനകൾക്ക് ശേഷമാണ് തീരുമാനമെന്നും വൃത്തങ്ങൾ അറിയിച്ചു.
