നാല് ദിവസത്തെ സന്ദര്ശനത്തിന് മുഖ്യമന്ത്രിയും സംഘവും യുഎഇയിലേക്ക്
![single-img](https://www.evartha.in/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2023/02/pinarayi-1.gif)
നാല് ദിവസം നീണ്ടുനിൽക്കുന്ന സന്ദര്ശനത്തിന് മുഖ്യമന്ത്രി പിണറായി വിജയനും സംഘവും അടുത്ത മാസം യുഎഇയിലേക്ക് പോകും. യുഎഇ സര്ക്കാരിന്റെ ക്ഷണ പ്രകാരമാണ് മുഖ്യമന്ത്രിയുടെ സന്ദര്ശനമെന്ന് സര്ക്കാര് വൃത്തങ്ങള് അറിയിച്ചു. മെയ് മാസം ഏഴിന് അബുദാബിയിലെത്തുന്ന മുഖ്യമന്ത്രി സര്ക്കാര് സംഘടിപ്പിക്കുന്ന നിക്ഷേപക സംഗമത്തിലും പങ്കെടുക്കുന്നുണ്ട്.
തുടർന്ന് മെയ് പത്തിന് പൊതുജന സംവാദം അടക്കം വിവിധ പരിപാടികളാണ് മുഖ്യമന്ത്രിയുടെ ഷെഡ്യൂളിൽ ഉള്ളത്. മുഖ്യമന്ത്രിയുടെ സംഘത്തിൽ മന്ത്രിമാരായ പി രാജീവും മുഹമ്മദ് റിയാസും ചീഫ് സെക്രട്ടറിയടക്കമുള്ള ഉദ്യോഗസ്ഥരും ഉൾപ്പെടുന്നുണ്ട്.
അതേസമയം, ലോക കേരള സഭയുടെ മേഖലാ സമ്മേളനങ്ങളിൽ പങ്കെടുക്കാൻ അമേരിക്കയിലേക്കും സൗദി അറേബ്യയിലേക്കുമുള്ള മുഖ്യമന്ത്രിയുടെയും മന്ത്രിമാരുടെയും യാത്രാ വിവരങ്ങൾ നേരത്തെ പുറത്ത് വന്നിരുന്നു. ജൂണിൽ അമേരിക്കയിലേക്കും, സെപ്തംബറിൽ സൗദി അറേബ്യയിലേക്കുമാണ് യാത്ര തീരുമാനിച്ചിട്ടുള്ളത്.