ലൈഫ് മിഷന് കേസില് ശിവശങ്കറിനെ സി.ബി.ഐ ഇന്ന് ചോദ്യം ചെയ്യും
![single-img](https://www.evartha.in/wp-content/themes/nextline_evartha_v2/images/footer_logo.png)
6 October 2022
![](https://www.evartha.in/wp-content/uploads/2022/10/n42912356416650224815846d28047fa926155b3d0b91d58ce8193be329d6a38b43c9b944f5b63dd8d76b3e.jpg)
ലൈഫ് മിഷന് കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം.ശിവശങ്കറിനെ സി.ബി.ഐ ചോദ്യം ചെയ്യും.
ഇന്ന് രാവിലെ കൊച്ചി ഓഫിസില് ഹാജരാകാന് നോട്ടിസ് നല്കി. ഇത് ആദ്യമായാണ് കേസില് ശിവശങ്കറിനെ ചോദ്യം ചെയ്യുന്നത്. കഴിഞ്ഞ ദിവസം സ്വപ്ന സുരേഷിന്റെ മൊഴി സിബിഐ രേഖപ്പെടുത്തിയിരുന്നു. ഇതിന് പിന്നാലെയാണ് എം.ശിവശങ്കറിനെ സി.ബി.ഐ ചോദ്യം ചെയ്യുന്നത്.
യു.എ.ഇ സഹായത്തോടെ വടക്കാഞ്ചേരിയില് ഫ്ളാറ്റ് നിര്മിക്കുന്നതില് വിദേശ സഹായ നിയന്ത്രണ നിയമത്തിന്റെ ലംഘനം നടന്നെന്നാണ് കേസില് ആരോപണമുയര്ന്നത്. നേരത്തെ കേസുമായി ബന്ധപ്പെട്ട് സ്വപ്നയ്ക്കൊപ്പം സ്വര്ണക്കടത്ത് കേസ് പ്രതി സരിത്തിന്റെ മൊഴിയും അന്വേഷണ സംഘം രേഖപ്പെടുത്തിയിരുന്നു. ലൈഫ് മിഷന് സിഇഒ യു.വി ജോസ്, യുണിടാക് എംഡി സന്തോഷ് ഈപ്പന് എന്നിവരുടെ മൊഴിയും എടുത്തിട്ടുണ്ട്