നടിയെ ആക്രമിച്ച കേസ്: രണ്ടാം പ്രതി മാര്ട്ടിന് എതിരെ വീണ്ടും കേസെടുക്കാന് പൊലീസ്
17 December 2025
കൊച്ചിയില് നടിയെ ആക്രമിച്ച കേസില്, അതിജീവിതയുടെ പരാതിയില് രണ്ടാം പ്രതി മാര്ട്ടിന് എതിരെ കേസെടുക്കാന് പൊലീസ്. ഉടന് കേസ് രജിസ്റ്റര് ചെയ്യും. തനിക്ക് എതിരെ മനപൂര്വം വിഡിയോ പ്രചരിപ്പിച്ചെന്ന അതിജീവിതയുടെ പരാതിയിലാണ് നടപടി.
മുഖ്യമന്ത്രിയുമായുള്ള കൂടിക്കാഴ്ചയില് നടി സൈബറാക്രമണം ശ്രദ്ധയില്പ്പെടുത്തിയിരുന്നു. ഇന്നലെയാണ് പരാതി കൈമാറിയത്. അതിജീവതയെ അധിക്ഷേപിച്ചവരുടെ സമൂഹ മാധ്യമ അക്കൗണ്ടുകള് പൊലീസ് പരിശോധിക്കുകയാണ്.
മാര്ട്ടിലെ നിലവില് കോടതി 20 വര്ഷത്തേക്ക് തടവില് ശിക്ഷിച്ചിരിക്കുകയാണ്. ഇത് റദ്ദാക്കണമെന്നാവശ്യപ്പെട്ടുകൊണ്ട് ഒരു ഹര്ജി ഇയാള് കോടതിയില് കൊടുക്കാനിരിക്കുകയാണ്. പ്രതിയുടെ പേര് പരാമര്ശിച്ചുകൊണ്ടുതന്നെയാണ് അതിജീവിത ഇന്നലെ മുഖ്യമന്ത്രിക്ക് പരാതി നല്കിയത് എന്നാണ് വിവരം.
