പഞ്ചാബിലെ ആം ആദ്മി പാർട്ടി എംഎൽഎയെ ഭർത്താവ് കരണത്തടിച്ചു; വീഡിയോ വൈറലാകുന്നു

പഞ്ചാബിലെ ആം ആദ്മി പാർട്ടി എംഎൽഎ ബൽജീന്ദർ കൗറിനെ ഭർത്താവ് തല്ലുന്ന വീഡിയോ സോഷ്യൽ മീഡിയയിൽ വൈറലാകുന്നു. എംഎൽഎയുടെ വീട്ടിലെ സിസിടിവി ദൃശ്യങ്ങൾ ആണ് ഇപ്പോൾ വൈറലായിരിക്കുന്നത്. വീഡിയോയെക്കുറിച്ച് എംഎൽഎയും ഭർത്താവും ഇതുവരെ പ്രതികരിച്ചിട്ടില്ലെങ്കിലും സ്വമേധയാ കേസ് എടുക്കുമെന്ന് പഞ്ചാബ് വനിതാ കമ്മീഷൻ മനീഷ ഗുലാത്തി മാധ്യമങ്ങളോട് പറഞ്ഞു.

തിരഞ്ഞെടുക്കപ്പെട്ട നിയമസഭാംഗമായ വിദ്യാസമ്പന്നനായ ഒരാൾ ഈ ഗാർഹിക പീഡനത്തിന് വിധേയനായാൽ, സംസാരിക്കാൻ ശക്തിയില്ലാത്ത നൂറുകണക്കിന് സ്ത്രീകൾക്ക് എന്ത് സംഭവിക്കുമെന്ന് സങ്കൽപ്പിക്കുക- പഞ്ചാബ് വനിതാ കമ്മീഷൻ മനീഷ ഗുലാത്തി പറഞ്ഞു.

ഇത് അസ്വസ്ഥജനകമായ വീഡിയോയാണ്. ഇതൊരു കുടുംബ പ്രശ്‌നമാണെങ്കിലും അവർ അത് കുടുംബത്തിനുള്ളിൽ തന്നെ പരിഹരിക്കണം, അതേസമയം തിരഞ്ഞെടുക്കപ്പെട്ട ഒരു വനിതാ എം എൽ എ ഇതിലൂടെ കടന്നുപോകുന്നത് നിർഭാഗ്യകരമാണ്. സ്ത്രീശാക്തീകരണത്തെക്കുറിച്ച് വീമ്പിളക്കിയാണ് എഎപി അധികാരത്തിലെത്തിയത്. ഒരു സർക്കാർ എന്ന നിലയിൽ, അവർ അത് പരിഹരിക്കുകയും ഈ സംസ്ഥാനത്തെ യുവാക്കൾക്ക് തെറ്റായ പ്രതിച്ഛായ ലഭിക്കില്ലെന്ന് ഉറപ്പാക്കുകയും വേണം എന്ന് പഞ്ചാബ് നിയമസഭയിലെ പ്രതിപക്ഷ നേതാവ് പ്രതാപ് ബജ്‌വയും പറഞ്ഞു.

ഇംഗ്ലീഷ് അദ്ധ്യാപികയായിരുന്ന ബൽജീന്ദർ കൗർ എഎപിയുടെ ദേശീയ എക്‌സിക്യൂട്ടീവിലെ അംഗവും പഞ്ചാബിലെ പാർട്ടിയുടെ വനിതാ വിഭാഗത്തിന്റെ പ്രസിഡന്റുമാണ്. ഇന്ത്യ എഗെയ്ൻസ്റ്റ് കറപ്ഷൻ മൂവ്‌മെന്റുമായി ബന്ധപ്പെട്ടതിന് ശേഷം അവർ ആം ആദ്മി പാർട്ടിയിൽ ചേരുകയും 2017 ലെ പഞ്ചാബ് തിരഞ്ഞെടുപ്പിൽ തൽവണ്ടി സാബോ മണ്ഡലത്തിൽ നിന്ന് മത്സരിക്കുകയും 19,293 വോട്ടുകൾക്ക് വിജയിക്കുകയും ചെയ്തു.