16 കഴിയാത്തവരെ നിയന്ത്രിക്കാന്‍ രംഗത്തെത്തി ഇന്‍സ്റ്റഗ്രാം
സന്‍ഫ്രാന്‍സിസ്കോ: 16 കഴിയാത്തവരെ നിയന്ത്രിക്കാന്‍ രംഗത്തെത്തിയിരിക്കുകയാണ് ഇന്‍സ്റ്റഗ്രാം.
കഴിഞ്ഞ വര്‍ഷം അവരുടെ ഫീഡുകളിലും പ്രൊഫൈലുകളിലും കൂടുതല്‍ നിയന്ത്രണം വരുത്തിയിരുന്നു. ഇപ്പോഴിതാ ഡിഫാള്‍ട്ടായി കൗമാര ഉപയോക്താക്കള്‍ക്കായി ഉള്ള സെന്‍സിറ്റീവ് ഉള്ളടക്കം പരിമിതപ്പെടുത്താന്‍ ഒരുങ്ങുകയാണ് ആപ്പ്.
ഏറ്റവും പുതിയ അപ്‌ഡേറ്റിലാണ് ഇത് ഉള്‍പ്പെടുത്തിയിരിക്കുന്നത്. 16 വയസ്സിന് താഴെയുള്ള ഇന്‍സ്റ്റാഗ്രാം അക്കൗണ്ട് ഉടമകള്‍ ക്രമീകരണം സ്വമേധയാ സെറ്റിങ്സ് മാറ്റുന്നില്ലെങ്കില്‍ മാന്വവലി അത് മാറും. കൂടാതെ, കൗമാരക്കാരെ അവരുടെ സുരക്ഷയും സ്വകാര്യതയും സംബന്ധിച്ച ക്രമീകരണങ്ങള്‍ അവലോകനം ചെയ്യാനും അപ്‌ഡേറ്റ് ചെയ്യാനും അനുവദിക്കുന്ന പുതിയ മാര്‍ഗവും കൂടി ഇന്‍സ്റ്റഗ്രാം പരീക്ഷിക്കുന്നുണ്ട്.
“സ്റ്റാന്‍ഡേര്‍ഡ്”, “ലെസ്സ്” എന്നിങ്ങനെ രണ്ട് ഓപ്ഷനുകളാണ് സെന്‍സിറ്റീവ് ഉള്ളടക്ക നിയന്ത്രണത്തിനായി കൗമാരക്കാര്‍ക്കുള്ളത്. കമ്ബനി പറയുന്നതനുസരിച്ച്‌, 16 വയസ്സിന് താഴെയുള്ള ഇന്‍സ്റ്റാഗ്രാം ഉപയോക്താക്കള്‍ “ലെസ്” ഓപ്ഷനിലേക്കാണ് മാറുക.
ഏറ്റവും പുതിയ അപ്‌ഡേറ്റിനൊപ്പം, യുവ ഉപയോക്താക്കള്‍ക്കായി തിരയല്‍, പര്യവേക്ഷണം, ഹാഷ്‌ടാഗ് പേജുകള്‍, റീലുകള്‍, ഫീഡ് ശുപാര്‍ശകള്‍, നിര്‍ദ്ദേശിച്ച അക്കൗണ്ടുകള്‍ എന്നിവയിലുടനീളമുള്ള സെന്‍സിറ്റീവ് ഉള്ളടക്കങ്ങള്‍ ഇന്‍സ്റ്റാഗ്രാം ഫില്‍ട്ടര്‍ ചെയ്യും.18 വയസ്സിന് മുകളിലുള്ള ഉപയോക്താക്കള്‍ക്ക്, ഡിഫോള്‍ട്ട് ക്രമീകരണങ്ങളേക്കാള്‍ കൂടുതല്‍ സെന്‍സിറ്റീവ് ഉള്ളടക്കമോ അക്കൗണ്ടുകളോ കാണാന്‍ അനുവദിക്കുന്ന അവസാന ഓപ്ഷനുള്ള “സ്റ്റാന്‍ഡേര്‍ഡ്,” “ലെസ്”, “മോര്‍” എന്നീ ഓപ്‌ഷനുകളിലേക്ക് ആക്‌സസ് ഉണ്ടായിരിക്കും.
ഇതുകൂടാതെ ആപ്പ് ഉപയോഗിക്കുന്ന 18 വയസ്സിന് താഴെയുള്ള ഉപയോക്താക്കളോട് സുരക്ഷയും സ്വകാര്യത ക്രമീകരണങ്ങളും അപ്‌ഡേറ്റ് ചെയ്യുന്നതിനായി ഒരു സെറ്റിങ്സ് അവലോകനം നടത്താന്‍ ഇന്‍സ്റ്റാഗ്രാം ആവശ്യപ്പെടും. ഇതോടെ, കൗമാരപ്രായക്കാര്‍ക്ക് അവരുടെ ഉള്ളടക്കം ആര്‍ക്കൊക്കെ പങ്കിടാം, ആര്‍ക്കൊക്കെ മെസെജ്‌അ യയ്‌ക്കാനും അവരെ കണക്‌ട് ചെയ്യാനു കഴുയും, ഫോളോ ചെയ്യുന്നവര്‍ക്ക് ഏത് തരത്തിലുള്ള ഉള്ളടക്കം കാണാനാകും എന്നതൊക്കെ ഉള്ളത് പരിമിതപ്പെടുത്താനാകും. ഇന്‍സ്റ്റാഗ്രാമില്‍ ചെലവഴിക്കുന്ന സമയം എങ്ങനെ മാനേജ് ചെയ്യാം എന്ന് അവലോകനം ചെയ്യാന്‍ കൗമാരക്കാരോട് ആവശ്യപ്പെടുന്ന നിര്‍ദ്ദേശങ്ങളും കമ്ബനി കാണിക്കും.
ഇന്‍സ്റ്റാഗ്രാമില്‍ യുവാക്കള്‍ക്ക് സുരക്ഷിതമായ അന്തരീക്ഷം സൃഷ്ടിക്കുക എന്ന ഉദ്ദേശത്തോടെയാണ് ഈ നടപടികളെല്ലാം നടപ്പിലാക്കുന്നത്. കഴിഞ്ഞ വര്‍ഷം ജൂലൈയില്‍ കമ്ബനി ഒരു സെന്‍സിറ്റിവിറ്റി ഫില്‍ട്ടര്‍ അവതരിപ്പിച്ചിരുന്നു. ഈ വര്‍ഷം മാര്‍ച്ചിലാണ് ഇന്‍സ്റ്റാഗ്രാം രക്ഷാകര്‍തൃ നിയന്ത്രണങ്ങള്‍ അവതരിപ്പിച്ചത്. തങ്ങളുടെ കുട്ടികള്‍ ഇന്‍സ്റ്റാഗ്രാമില്‍ എത്ര സമയം ചെലവഴിക്കുന്നുവെന്ന് നീരിക്ഷിക്കാന്‍ മാതാപിതാക്കളെ ഇത് സഹായിക്കുന്നു.
