വിവേക് അഗ്‌നിഹോത്രിയുടെ ‘ദ കാശ്മീർ ഫയൽസ്’ ഓസ്‌കാറിലേക്ക്

single-img
10 January 2023

വിവേക് അഗ്‌നിഹോത്രി സംവിധാനം ചെയ്ത ബോളിവുഡ് ചിത്രം ‘ദ കാശ്മീർ ഫയൽസ്’ ഓസ്‌കാറിലേക്ക്. സംവിധായകൻ ട്വിറ്ററിലൂടെയായിരുന്നു ‘ദി കശ്മീർ ഫയൽസ്’ 2023 ലെ ഓസ്‌കാർ പട്ടികയിൽ ഷോർട്ട്‌ലിസ്റ്റ് ചെയ്തതിന്റെ വിവരം അറിയിച്ചത്.

ഇത്തവണ ആകെ 5 ഇന്ത്യൻ ചിത്രങ്ങളാണ് ഓസ്‌കാർ പട്ടികയിൽ സ്ഥാനം പിടിച്ചത്. ആർആർആർ, ഗംഗുബായ് കത്യവാടി, ദ കാശ്മീർ ഫയൽസ്, കാന്താര, ചെല്ലോ ഷോ എന്നിവയാണ് ഓസ്‌കാർ അർഹതയുള്ള 301 ചിത്രങ്ങളുടെ പട്ടികയിൽ ഇടംപിടിച്ചത്.

ഇന്ത്യയിൽ നിന്നുള്ള അവസാന നോമിനേഷനുകൾ ജനുവരി 24ന് പ്രഖ്യാപിക്കും. കശ്മീരി പണ്ഡിറ്റുകളുടെ കൂട്ട പലായനത്തെ ചുറ്റിപ്പറ്റിയാണ് കശ്മീരി ഫയൽ എന്ന ചിത്രം ചർച്ച ചെയ്യുന്നത്. അതേസമയം, കാന്താരയ്ക്ക് 2 ഓസ്‌കാർ നോമിനേഷൻ ലഭിച്ചു എന്നറിയിക്കുകയാണ് നിർമ്മാതക്കളായ ഹോം ബെയിൽ ഫിലിംസ്. തങ്ങളുടെ ട്വിറ്റർ പേജിലൂടെയാണ് ഹോം ബെയിൽ ഫിലിംസ് സന്തേഷം പങ്കുവെച്ചത്.മികച്ച സിനിമയ്ക്കും നടനുമുള്ള നോമിനേഷനാണ് ലഭിച്ചിരിക്കുന്നത്.