ബലൂണിനെ ചൊല്ലി അമേരിക്കയും ചൈനയും തമ്മിലെ പോര് കൂടുതല് കനക്കുന്നു
18 February 2023
സമുദ്രാതിര്ത്തിയില് കണ്ട ബലൂണിനെ ചൊല്ലി അമേരിക്കയും ചൈനയും തമ്മിലെ പോര് കൂടുതല് കനക്കുന്നു. ബലൂണ് വെടിവച്ചിട്ടത്തില് മാപ്പ് പറയില്ലെന്ന് അമേരിക്കന് പ്രസിഡന്റ് ജൊ ബൈഡന് തുറന്നടിച്ചു.
ഇനി ഇത്തരം വസ്തുക്കള് കണ്ടാല് കടുത്ത നടപടികളെടുക്കാന് തന്റെ ടീമിന് നിര്ദ്ദേശം നല്കിയെന്നും ബൈഡന് പറഞ്ഞു. മണിക്കൂറുകള്ക്ക് പിന്നാലെ ചൈനയുടെ മറുപടിയെത്തി. പ്രശ്നങ്ങള് ആളിക്കത്തിച്ച ശേഷം ചര്ച്ചയ്ക്ക് ക്ഷണിക്കരുതെന്ന് ചൈനീസ് വിദേശ കാര്യ മന്ത്രി പറഞ്ഞു. ഇക്കഴിഞ്ഞ രണ്ടാം തീയതിയാണ് കൂറ്റന് ചൈനീസ് ബലൂണ് കണ്ടത്. മൂന്ന് ദിവസത്തിനപ്പുറം അമേരിക്ക മിസൈലയച്ച് ബലൂണ് വെടിവച്ച് കടലിലിട്ടു. ഇത് ചൈനീസ് ചാര ബലൂണെന്നാണ് അമേരിക്കയുടെ ആരോപണം. എന്നാല് കാലാവസ്ഥ നിരീക്ഷണത്തിനുള്ള ബലൂണ് ദിശ തെറ്റി എത്തിയതെന്നാണ് ചൈനയുടെ വാദം.