റിച്ചാര്‍ഡ് ഗിര്‍ ശില്‍പ ഷെട്ടിയെ ചുംബിച്ച ക്രിമിനല്‍ കേസ് മുംബൈ സെഷന്‍സ് കോടതി റദ്ദാക്കി
2007ല്‍ ഒരു പൊതുപരിപാടിയില്‍ വെച്ച്‌ ബോളിവുഡ് താരം റിച്ചാര്‍ഡ് ഗിര്‍ ശില്‍പ ഷെട്ടിയെ ചുംബിച്ച സംഭവത്തില്‍ ചാര്‍ജ് ചെയ്ത ക്രിമിനല്‍ കേസ് മുംബൈ സെഷന്‍സ് കോടതി റദ്ദാക്കി.
വിധി അനുസരിച്ച്‌ ഇതുമായി ബന്ധപ്പെട്ട് നടിക്കെതിരെ ചുമത്തിയ ഒരു കുറ്റവും നിലനില്‍ക്കില്ലെന്ന് പറഞ്ഞാണ് കോടതി കേസ് തള്ളിയത്.
കേസിന്റെ വാദത്തിനിടെ ഒരു സ്ത്രീയെ പൊതുസ്ഥലത്ത് വച്ച്‌ സ്പര്‍ശിക്കുകയോ മറ്റോ ചെയ്താല്‍ അവളെ കുറ്റവിചാരണ ചെയ്യാന്‍ കഴിയില്ലെന്ന് അഡീഷണല്‍ സെഷന്‍സ് ജഡ്ജി എസ്‌സി ജാദവ് നിരീക്ഷിച്ചു. ഈ കേസില്‍ ശില്‍പ്പ ഷെട്ടയുടെ ഭാഗത്തുനിന്ന് ചുംബിക്കുന്നതിനായി ഏകപക്ഷീയ നീക്കമൊന്നും ഇല്ലായിരുന്നുവെന്ന് കോടതി വ്യക്തമാക്കി.
ഈ സംഭവത്തില്‍ ഒരു അശ്ലീലതയും കാണാനില്ലെന്നും കോടതി പറഞ്ഞു. ശില്‍പ ഒരു സ്ത്രീയുടെ പ്രതിച്ഛായയെ അപകീര്‍ത്തിപ്പെടുത്തിയതായി സൂചിപ്പിക്കുന്നതിന് തെളിവുകളൊന്നുമില്ലെന്നും കോടതി കൂട്ടിച്ചേര്‍ത്തു.
എയ്ഡ്‌സിനെക്കുറിച്ച്‌ ബോധവല്‍ക്കരണം നടത്താനുള്ള ഒരു പരിപാടിയിലാണ് എയ്ഡ്‌സ് ചുംബനത്തിലൂടെ പകരില്ല എന്ന കാര്യം വ്യക്തമാക്കാന്‍ ഹോളിവുഡ് താരം റിച്ചാര്‍ഡ് ഗിര്‍ ശില്‍പ ഷെട്ടിയെ അവളുടെ കവിളില്‍ ചുംബിച്ചത്.ഗിറിന്റെ നീക്കം പെട്ടെന്ന് ശില്‍പ്പയ ആശ്ചര്യപ്പെടുത്തിയെന്നായിരുന്നു അന്നത്തെ മാധ്യമ റിപ്പോര്‍ട്ടുകള്‍. തുടര്‍ന്ന് ഇതിന്റെ ഫോട്ടോകള്‍ അന്ന് മാധ്യമങ്ങളില്‍ വാര്‍ത്തയായതിന് പിന്നാലെ ഒരു പരാതിയെ തുടര്‍ന്ന് ഐപിസി വിവിധ വകുപ്പുകള്‍ പ്രകാരം 2007-ല്‍ രാജസ്ഥാനില്‍ കേസ് റജിസ്ട്രര്‍ ചെയ്യുകയായിരുന്നു.
ഈ കേസ് പിന്നീട് 2017-ല്‍ മുംബൈയിലേക്ക് മാറ്റി. കഴിഞ്ഞ വര്‍ഷം ജനുവരിയില്‍ ഷെട്ടിക്കെതിരായ കേസ് മജിസ്‌ട്രേറ്റ് കോടതി തള്ളിയിരുന്നു. എന്നാല്‍ ചടങ്ങിലെ മാധ്യമ സാന്നിധ്യത്തെക്കുറിച്ച്‌ ശില്‍പയ്ക്ക് നന്നായി അറിയാമെന്നും അവളെ പങ്കാളിയാക്കുന്ന ചുംബനത്തെ എതിര്‍ത്തില്ലെന്നും അവകാശപ്പെട്ട് പ്രോസിക്യൂഷന്‍ ഉത്തരവിനെതിരെ പുനപരിശോധന ഹര്‍ജി നല്‍കുകയായിരുന്നു. അതാണ് ഇപ്പോള്‍ തള്ളിയത്.
