മോദിയുടെ വർഗീയത അതുപോലെ മനസിൽ കൊണ്ടു നടക്കുന്നയാളാണ് പിണറായി വിജയൻ; ഷിബു ബേബി ജോൺ

മോദിയുടെ വർഗീയത അതുപോലെ മനസിൽ കൊണ്ടു നടക്കുന്നയാളാണ് പിണറായി വിജയൻ എന്ന് ആർ എസ് പി സംസ്ഥാന സെക്രട്ടറി ഷിബു ബേബി ജോൺ. സോഷ്യൽ എഞ്ചിനീയറിംഗ് അല്ല, കമ്യൂണൽ എഞ്ചിനീയറിംഗാണ് പിണറായി നടത്തുന്നത്. ഇത് ഗുണം ചെയ്യില്ല.

ജൂൺ 4 ന് തെരഞ്ഞെടുപ്പ് ഫലം വരുമ്പോൾ അത് മനസിലാകും. കേരള സ്റ്റോറി പ്രദർശനത്തിനെതിരെ സർക്കാർ കേസിന് പോയാൽ പിന്തുണയ്ക്കുമെന്നും ഷിബു ബേബി ജോൺ പറഞ്ഞു. അതേപോലെ തന്നെ ചതി കാണുന്നതുകൊണ്ടാണ് എസ്ഡിപിഐ ഐ വോട്ട് വേണ്ടെന്നുവച്ചതെന്നും അദ്ദേഹം പറഞ്ഞു.

എസ്ഡിപിഐ പിന്തുണ നൽകുമെന്ന് പ്രഖ്യാപിച്ചത് കോൺഗ്രസുമായി ആലോചിക്കാതെയാണ്. കർണ്ണാടകയിൽ തെരഞ്ഞെടുപ്പിൽ കോൺഗ്രസിനെ പരാജയപ്പെടുത്താൻ ശ്രമിച്ചവരാണ് എസ്ഡിപിഐ എന്നും ഷിബു ബേബി ജോൺ പറഞ്ഞു.