പണ്ട് അഭിനയിക്കാന് അറിയില്ലെന്ന് പറഞ്ഞു; ഇന്ന് ബിഗ് സ്ക്രീനില് ഫാഫയുടെ പകര്ന്നാട്ടം
ഫഹദ് ഫാസിൽ നായകനായി എത്തി വലിയ വിജയം സ്വന്തമാക്കിയ ആവേശം ഇന്ന് ഒടിടിയിൽ സ്ട്രീമിംഗ് ആരംഭിച്ചിരിക്കുകയാണ്. ചിത്രത്തിൽ രംഗൻ എന്ന കഥാപാത്രമായി ഫഹദ് ഫാസിൽ സ്ക്രീനിൽ ‘പൂണ്ടുവിളയാടി’യപ്പോൾ ആവേശം പ്രേക്ഷക മനസിലും അലതല്ലി.
ഫഹദ് ചെയ്തത് പോലെ രംഗൻ എന്ന കഥാപാത്രത്തെ ഇത്രയും ചടുലവും ഊർജസ്വലവുമായി അവതരിപ്പിക്കാൻ ഇന്ത്യയിൽ മറ്റൊരു നടനും സാധിക്കില്ലെന്നാണ് ഒരാൾ ട്വീറ്റ് ചെയ്തിരിക്കുന്നത്. ‘പണ്ട് അഭിനയിക്കാന് അറിയില്ലെന്ന് പറഞ്ഞു. ഇന്ന് ബിഗ് സ്ക്രീനില് ഫാഫയുടെ പകര്ന്നാട്ടം. ഇത് രംഗണ്ണന് യുഗം’, എന്നാണ് മറ്റൊരാള് കുറിച്ചത്.
” നമ്മൾ ഒരിക്കലും ചിന്തിക്കാത്ത ഗ്യാങ്സ്റ്ററിനെയാണ് സിനിമയിൽ കാണാൻ സാധിക്കുന്നത്. ഫഹദ് കസറിത്തെളിഞ്ഞിട്ടുണ്ട്. സംവിധായകൻ അദ്ദേഹത്തെ അഴിച്ച് വിട്ടെന്ന് ഉറപ്പാണ്. റിപ്പീറ്റ് വാല്യു ഉള്ള പക്കാ ഗ്യാങ്സ്റ്റർ കോമഡി ഇമോഷണൽ ഡ്രാമയാണ് ആവേശം”, എന്നാണ് മറ്റൊരാളുടെ കമന്റ്.
കോമഡിചെയ്ത് പെട്ടെന്ന് ഗ്യാങ്സ്റ്ററിലേക്കുള്ള ഫഹദിന്റെ മറ്റാം അതിഗംഭീരമായിരുന്നുവെന്നും ചിലർ കുറിക്കുന്നുണ്ട്. തിയറ്ററിൽ റിലീസ് ചെയ്തപ്പോഴും ഇതേ അഭിപ്രായം അയിരുന്നു പ്രേക്ഷകർക്ക് എന്നതും ശ്രദ്ധേയമാണ്.