2024ൽ പ്രധാനമന്ത്രിയാകാൻ ആഗ്രഹമില്ല; തനിക്ക് വേണ്ടി മുദ്രാവാക്യം വിളിക്കരുതെന്ന് പാർട്ടി അംഗങ്ങളോട് നിതീഷ് കുമാർ
പ്രധാനമന്ത്രിയാകാൻ തനിക്ക് ആഗ്രഹമില്ലെന്ന് ബിഹാർ മുഖ്യമന്ത്രി നിതീഷ് കുമാർ. 2024ൽ പ്രധാനമന്ത്രിയാകാൻ ആഗ്രഹമില്ലാത്തതിനാൽ തനിക്കുവേണ്ടി മുദ്രാവാക്യം വിളിക്കരുതെന്ന് പാർട്ടി അംഗങ്ങളോട് താൻ നിരന്തരം പറയാറുണ്ടെന്നും കുമാർ പറഞ്ഞു.
മഹാഗത്ബന്ധൻ നേതാക്കൾ മുദ്രാവാക്യം വിളിക്കുന്നതിനാൽ 2024 ൽ പ്രധാനമന്ത്രിയാകാൻ ആഗ്രഹിക്കുന്നുണ്ടോ എന്ന ചോദ്യത്തിന്, “അത് ചെയ്യരുതെന്ന് ഞാൻ അവരോട് പറയുന്നു, എനിക്ക് ഒട്ടും ആഗ്രഹമില്ല” എന്നായിരുന്നു മുഖ്യമന്ത്രിയുടെ മറുപടി.
നേരത്തെ, ബിഹാർ ഉപമുഖ്യമന്ത്രി തേജസ്വി യാദവ് നിതീഷ് കുമാറിന്റെ പ്രധാനമന്ത്രിയാകാനുള്ള ആഗ്രഹം നിരസിക്കുകയും വരാനിരിക്കുന്ന ലോക്‌സഭാ തെരഞ്ഞെടുപ്പിൽ പ്രതിപക്ഷത്തെ ഒരുമിച്ച് നിർത്തുന്നതിലാണ് മുതിർന്ന നേതാവ് ശ്രദ്ധ കേന്ദ്രീകരിക്കുന്നതെന്ന് പറയുകയും ചെയ്തിരുന്നു.
“അദ്ദേഹം (മുഖ്യമന്ത്രി നിതീഷ് കുമാർ) മുഖ്യമന്ത്രിയാണ്, ഞങ്ങൾ അദ്ദേഹത്തിന്റെ മാർഗനിർദേശത്തിന് കീഴിലാണ് പ്രവർത്തിക്കുന്നത്. എല്ലാ പ്രതിപക്ഷത്തെയും ഒരുമിച്ച് കൊണ്ടുവരിക എന്നതാണ് അദ്ദേഹത്തിന് ഇപ്പോൾ ഉള്ള ഒരേയൊരു അജണ്ട. അദ്ദേഹത്തിന് പ്രധാനമന്ത്രിയാകാൻ ആഗ്രഹമില്ലെന്ന് ഉപമുഖ്യമന്ത്രി തേജസ്വി യാദവ് പറഞ്ഞു.
അതേസമയം, നിതീഷ് കുമാർ ഇപ്പോൾ ജനുവരി 5 മുതൽ സംസ്ഥാനവ്യാപകമായി ‘സമാധൻ യാത്ര’യിലാണ്. 18 ജില്ലകളിലൂടെ കടന്നുപോകുന്ന യാത്രയിൽ, കഴിഞ്ഞ 18 വർഷമായി സംസ്ഥാനത്ത് നടത്തിയ പ്രവർത്തനങ്ങളെക്കുറിച്ച് പൊതുജനങ്ങളുടെ അഭിപ്രായം സ്വീകരിക്കും.
