ഫോർകെ അറ്റ്മോസിൽ ഓ​ഗസ്റ്റ് ഒന്നിന് മണിച്ചിത്രത്താഴ് റീ റിലീസ് ചെയ്യുന്നു

single-img
7 July 2024

ഫാസിൽ സംവിധാനം ചെയ്ത മണിച്ചിത്രത്താഴ് ഓ​ഗസ്റ്റ് ഒന്നിന് റിലീസ് ചെയ്യുമെന്ന് ട്വിറ്റർ ഫോറങ്ങൾ റിപ്പോർട്ട് ചെയ്യുന്നു. ഈ കാര്യത്തിൽ ഔദ്യോ​ഗിക വിവരത്തിനായി കാത്തിരിക്കുകയാണ് സിനിമാപ്രേമികൾ. ഏറ്റവും പുതിയ സാങ്കേതികവിദ്യയിൽ ഫോർകെ അറ്റ്മോസിൽ ആണ് മണിച്ചിത്രത്താഴ് വീണ്ടും പ്രേക്ഷകരിലേക്ക് എത്തുന്നത്.

1993ലായിരുന്നു ഫാസിലിന്റെ സംവിധാനത്തിൽ മണിച്ചിത്രത്താഴ് റിലീസ് ചെയ്തത്. ചിത്രത്തിൽ മോഹൻലാൽ, സുരേഷ് ​ഗോപി, തിലകൻ, നെടുമുടി വേണു, ഇന്നസെന്റ്, സുധീഷ, കെപിഎസി ലളിത തുടങ്ങിയവർ കസറിയപ്പോൾ ​ഗം​ഗ, നാ​ഗവല്ലി എന്നീ കഥാപാത്രങ്ങളായി എത്തി ശോഭന പ്രകടനത്തിൽ അമ്പരപ്പിച്ചിരുന്നു. പിന്നാലെ ഇതര ഭാഷകളിൽ ഈ സിനിമ റീമേക്ക് ചെയ്തിരുന്നു.