2025 ൽ മനുഷ്യനെ വഹിച്ചുള്ള ഗഗൻയാൻ സാധ്യമാകും

രാജ്യത്തിന് 2025 ൽ മനുഷ്യനെ വഹിച്ചുള്ള ഗഗൻയാൻ സാധ്യമാകുമെന്ന് എൽപിഎസ് സി ഡയറക്ടർ വി നാരായണൻ അറിയിച്ചു . 2024 ജൂണിൽ ആളില്ലാതെ റോക്കറ്റ് രാജ്യം പരീക്ഷിക്കുമെന്ന് അദ്ദേഹം അറിയിച്ചു. എല്ലാത്തിനും പൂർണ സജ്ജമാണെന്നും ഘട്ടം ഘട്ടമായി പരീക്ഷണങ്ങൾ പൂർത്തിയാക്കുമെന്നും ആദിത്യ എൽ 1 ദൌത്യത്തിനു ശേഷം എൽപിഎസ് സി ഡയറക്ടർ ഡോ.വി. നാരായണൻ പറഞ്ഞു.

ഒരു പൂർണ്ണ വികസിത രാഷ്ട്രത്തിലേക്കുള്ള ചവിട്ട്പടിയാണ് ഇപ്പോൾ നടക്കുന്ന ശാസ്ത്ര പരീക്ഷണങ്ങൾ. ആദിത്യ എൽ 1 ൽ നിന്ന് എപ്പോൾ സിഗ്നൽ കിട്ടുമെന്ന് ഇപ്പോൾ പറയുന്നില്ല.100% ടെൻഷൻ ഇല്ലാതെ നടന്ന വിക്ഷേപണമായിരുന്നു ആദിത്യ എൽ 1 ന്റേത്. അടുത്ത ജിഎസ് എൽവി വിക്ഷേപണത്തിനും സജ്ജമെന്നും അദ്ദേഹം കൂട്ടിച്ചേർത്തു