ബിജെപി ജാതി ജാതി രാഷ്ട്രീയം കളിക്കുന്നു: ഖാർഗെ
രാഹുൽ ഗാന്ധി ഒബിസി സമുദായങ്ങളെ കള്ളന്മാരോട് ഉപമിച്ചുവെന്ന ബിജെപി അധ്യക്ഷൻ ജെപി നദ്ദയുടെ ആരോപണത്തിനെതിരെ രൂക്ഷ വിമർശനവുമായി കോൺഗ്രസ് അധ്യക്ഷൻ മല്ലികാർജുൻ ഖാർഗെ രംഗത്ത്.
ഒബിസി സമുദായങ്ങളെ കള്ളന്മാരുമായി താരതമ്യപ്പെടുത്തുന്നതിലൂടെ, രാഹുൽ ഗാന്ധി ദയനീയവും ജാതീയവുമായ മാനസികാവസ്ഥയാണ് കാണിച്ചത്. എന്നിരുന്നാലും, അദ്ദേഹത്തിന്റെ ഏറ്റവും പുതിയ വിഡ്ഢിത്തം ആശ്ചര്യകരമല്ല. കഴിഞ്ഞ കുറേ വർഷങ്ങളായി, അദ്ദേഹം എല്ലായ്‌പ്പോഴും രാഷ്ട്രീയ വ്യവഹാരങ്ങളുടെ നിലവാരം കുറച്ചിട്ടുണ്ട് എന്നാണു ബിജെപി അധ്യക്ഷൻ ജെപി നദ്ദയുടെ ആരോപണം.
എന്നാൽ ഇതിനു മറുപടിയായി “മോദി സർക്കാരിന് ജെപിസിയിൽ നിന്ന് രക്ഷപ്പെടാനാവില്ല! നീരവ് മോദിയും ലളിത് മോദിയും മെഹുൽ ചോക്‌സിയും പിഎൻബിയുടെയും പൊതുജനങ്ങളുടെയും പണം കൊണ്ട് പലായനം ചെയ്തു. ഒബിസികൾ അങ്ങനെ ചെയ്തില്ല, പിന്നെ എങ്ങനെ അവരെ അപമാനിച്ചോ? നിങ്ങളുടെ ‘ഉറ്റ സുഹൃത്ത്’ കാരണം എസ്ബിഐ/എൽഐസിക്ക് നഷ്ടമുണ്ടായി!” ആദ്യം മോഷ്ടിക്കാൻ സഹായം നൽകിയ ശേഷം ജാതി രാഷ്ട്രീയം പ്രയോഗിക്കുന്നു. ഇത് ലജ്ജാകരമാണ്” എന്നാണു ഖാർഗെ പറഞ്ഞത്.
