എറണാകുളത്ത് നിന്നും കഴിഞ്ഞ ദിവസം കാണാതായ സഹോദരങ്ങളില് പെണ്കുട്ടിയെയും കണ്ടെത്തി
തിരുവനന്തപുരം∙ എറണാകുളത്ത് നിന്നും കഴിഞ്ഞ ദിവസം കാണാതായ പ്രായപൂര്ത്തിയാകാത്ത സഹോദരങ്ങളില് പെണ്കുട്ടിയെയും കണ്ടെത്തി.
തമ്ബാനൂര് റെയില്വേ സ്റ്റേഷനില് നിന്നാണ് ഇന്നു രാവിലെ പെണ്കുട്ടിയെ ആണ്സുഹൃത്തിനൊപ്പം കണ്ടെത്തിയത്. സഹോദരന് ഇന്നലെ വൈകിട്ട് എറണാകുളം അയ്യമ്ബള്ളിയിലെ വീട്ടില് തിരിച്ചെത്തിയിരുന്നു.
എറണാകുളം അയ്യമ്ബള്ളിയില് നിന്നും ഇന്നലെ കാണാതായ സഹോദരങ്ങളില് അക്ഷയ് വൈകിട്ട് 4 മണിയോടെയാണ് വീട്ടില് തിരിച്ചെത്തിയത്. ഇന്നലെ വൈകിട്ട് ഇരുവരെയും ഒരുമിച്ച് കണ്ടതായി പൊലീസിന് ദ്യക്സാക്ഷി വിവരം ലഭിച്ചിരുന്നു. എന്നാല് സഹോദരങ്ങള് എവിടെ വെച്ചാണ് പിരിഞ്ഞത് എന്നതില് വ്യക്തതയില്ല. അക്ഷയില് നിന്നും കൂടുതല് വിവരങ്ങള് മുനമ്ബം പോലീസ് ചോദിച്ചറിഞ്ഞു. തിരുവനന്തപുരത്ത് എത്തിയതിന്റെ സിസിടിവി ദൃശ്യങ്ങളും പൊലീസിന് ലഭിച്ചിരുന്നു. സഹോദരന് പതിമൂന്ന് വയസ്സും സഹോദരിക്ക് പതിനഞ്ച് വയസ്സുമാണ്.
ഇന്സ്റ്റഗ്രാമില് പരിചയപ്പെട്ട തിരുവനന്തപുരം പാലോട് സ്വദേശിയായ യുവാവിനൊപ്പമാണ് പെണ്കുട്ടിയെ ഇന്ന് പൊലീസ് പിടികൂടിയത്. ട്രെയിനില് മറ്റൊരു സ്ഥലത്തേക്ക് പോകാനായി കയറിയിരിക്കുമ്ബോഴാണ് പൊലീസ് ഇവരെ കണ്ടെത്തിയത്. പെണ്കുട്ടിയെ മുനമ്ബം പൊലീസ് എറണാകുളത്തേക്കു കൊണ്ടുപോകും. മൊബൈല് ഫോണ് ടവര് ലൊക്കേഷന് തിരിച്ചറിഞ്ഞാണ് പൊലീസ് പെണ്കുട്ടിയെ കണ്ടെത്തിയത്.
തൃശൂര് ചേര്പ്പില് പിതാവിന്റെ വീട്ടില് നിന്നു പഠിക്കുന്ന കുട്ടികള് ചൊവ്വാഴ്ച, സ്വന്തം വീട്ടില് പോകുന്നു എന്നു പറഞ്ഞാണ് ഇറങ്ങിയത്. വൈകിയും വീട്ടില് എത്താതിരുന്നതോടെ പൊലീസില് പരാതി നല്കി. പെണ്കുട്ടിയുടെ കൈവശം മൊബൈല് ഫോണ് ഉണ്ടായിരുന്നതിനാല് പൊലീസ് നടത്തിയ അന്വേഷണത്തില് ചൊവ്വാഴ്ച, എറണാകുളത്തുണ്ടായിരുന്നതായി കണ്ടെത്തി. പിന്നീട് ബുധനാഴ്ച പുലര്ച്ചെ 4.30നു വര്ക്കലയില് എത്തിയതായി കണ്ടെങ്കിലും ഫോണ് ഓഫായതോടെ പൊലീസിനു വിവരം ലഭിക്കാതായി. തുടര്ന്ന് തിരുവനന്തപുരത്തു റേഞ്ച് കണ്ടതോടെ അന്വേഷണം ഊര്ജിതമാക്കുകയായിരുന്നു.
