“വിത്ത് ലവ്” – അനശ്വര രാജന്റെ പുതിയ ഫീൽ-ഗുഡ് റൊമാൻസിന്റെ റിലീസ് തീയതി പ്രഖ്യാപിച്ചു

സൗന്ദര്യ രജനീകാന്തിന്റെ നേതൃത്വത്തിലുള്ള സിയോൺ ഫിലിംസ്, എംആർപി എന്റർടെയ്ൻമെന്റുമായി സഹകരിച്ച് നിർമിക്കുന്ന പുതിയ ചിത്രം “വിത്ത് ലവ്” 2026 ഫെബ്രുവരി 6ന് ആഗോളമായി റിലീസ് ചെയ്യുമെന്ന് പ്രഖ്യാപിച്ചു. എംആർപി എന്റർടെയ്ൻമെന്റിന്റെ ബാനറിൽ നസറത്ത് പാസിലിയനും, മഗേഷ് രാജ് പാസിലിയനും സൗന്ദര്യ രജനീകാന്തിനൊപ്പം ചിത്രത്തിന്റെ നിർമ്മാണത്തിൽ പങ്കാളികളായിരിക്കുന്നു.

ചിത്രത്തിൽ അബിഷൻ ജീവിന്തും അനശ്വര രാജനും പ്രധാന കഥാപാത്രങ്ങളായി എത്തുന്നു. മദൻ ആണ് ചിത്രം രചിച്ചും സംവിധാനം ചെയ്തും ഇരിക്കുന്നത്. പുതുവർഷ ആശംസകളോടെയുളള ഒരു പുതിയ പോസ്റ്റർ പുറത്ത് വിട്ടുകൊണ്ട് ചിത്രത്തിന്റെ റിലീസ് തീയതിയും പ്രഖ്യാപിക്കപ്പെട്ടു.

ഫീൽ-ഗുഡ് റൊമാൻ്റിക് എൻ്റർടെയ്‌നർ ആക്കിയിരിക്കുന്ന ഈ ചിത്രത്തിലെ “അയ്യോ കാതലേ” എന്ന ഗാനം അടുത്തിടെ പുറത്തിറങ്ങിയിട്ടുണ്ട്. പുതിയ കാലഘട്ടത്തിലെ യുവത്വത്തിന്റെയും ജീവിതത്തിന്റെയും പ്രതിബിംബമാണു ചിത്രത്തിലൂടെ അവതരിപ്പിക്കുന്നത്. ടൈറ്റിൽ ടീസർ നേരത്തെ പുറത്തിറങ്ങിയപ്പോൾ യുവ പ്രേക്ഷകരിൽ മികച്ച സ്വീകരണം നേടിയിരുന്നു.

ഈ വർഷത്തെ തമിഴിലെ ബ്ലോക്ക്ബസ്റ്റർ “ടൂറിസ്റ്റ് ഫാമിലി”യുടെ വമ്പിച്ച വിജയത്തിൻ്റെ പശ്ചാത്തലത്തിൽ, അതിന്റെ സംവിധായകൻ അബിഷൻ ജീവിന്ത് ഈ റൊമാൻ്റിക് ഡ്രാമയിലൂടെ ആദ്യമായി നായകനായി എത്തുകയാണ്. മുമ്പ് “ലവർ”, “ടൂറിസ്റ്റ് ഫാമിലി” എന്നീ ചിത്രങ്ങളിൽ അസോസിയേറ്റ് ഡയറക്ടറായി പ്രവർത്തിച്ച മദൻ ഇതിലൂടെ ആദ്യമായി സംവിധാനം നടത്തുന്നു.