ബിജെപിയുടെ തകർച്ച കർണാടകയിൽ തുടങ്ങിയാൽ സന്തോഷിക്കും: മമത ബാനർജി

ഈ മാസം 10ന് നടക്കാനിരിക്കുന്ന കർണാടക നിയമസഭാ തെരഞ്ഞെടുപ്പിൽ ബിജെപിയുടെ തകർച്ച ആരംഭിക്കുകയാണെങ്കിൽ താൻ സന്തോഷവതിയാണെന്ന് പശ്ചിമ ബംഗാൾ മുഖ്യമന്ത്രി മമത ബാനർജി വ്യാഴാഴ്ച പറഞ്ഞു. തൃണമൂലിന്റെ ജനകീയ പ്രചാരണ പരിപാടിയിൽ മമത ബാനർജി സ്വന്തം താൽപ്പര്യങ്ങൾക്കായി ഹിന്ദു മതത്തെ ബിജെപി അപകീർത്തിപ്പെടുത്തുകയാണെന്ന് ആരോപിച്ചു.

എത്രയും നേരത്തെ ബിജെപിയെ അധികാരത്തിൽ നിന്ന് പുറത്താക്കുക അത് രാജ്യത്തിന് നല്ലതാണ്… കർണാടക നിയമസഭാ തെരഞ്ഞെടുപ്പിൽ ബിജെപിക്ക് വോട്ട് ചെയ്യരുത്. നിങ്ങൾക്ക് ഇഷ്ടമുള്ള മറ്റേതെങ്കിലും പാർട്ടിക്ക് വോട്ട് ചെയ്യുക. ബിജെപിയുടെ തകർച്ച കർണാടകയിൽ തുടങ്ങിയാൽ ഞാൻ സന്തോഷവതിയാണ് . ” മമത പറഞ്ഞു.

ഹിന്ദുമതത്തിലെ ആത്മീയത ബിജെപി തകർത്തുവെന്നു പറഞ്ഞ മമത, ഡൽഹി പോലീസും ജന്തർ മന്തറിൽ പ്രതിഷേധിക്കുന്ന ഗുസ്തിക്കാരും തമ്മിലുള്ള സംഘർഷത്തെച്ചൊല്ലി എത്ര കേന്ദ്ര ടീമുകളെ കേന്ദ്രസർക്കാർ അവിടേക്ക് അയച്ചുവെന്ന് ആശ്ചര്യപ്പെട്ടു.