സെൽഫിക്ക് പിന്നാലെ മാഗ്നസ് കാള്സണ് ഫോണ് പിടിച്ചെടുക്കാന് ആവശ്യപ്പെട്ട സംഭവത്തിലെ അലുവ നര്മാൻ ആരാണ്?
ജര്മ്മനിയിലെ ഗ്രെങ്ക് ഫ്രീസ്റ്റൈല് ചെസ്സ് ഓപ്പണില് മാച്ചിന് മുമ്പ് മാഗ്നസ് കാള്സണുമായി സെല്ഫി എടുത്തതിന് പിന്നാലെ ലോക ഒന്നാം നമ്പര് താരം ഫോണ് പിടിച്ചെടുക്കാന് ടൂര്ണമെന്റ് ഒഫീഷ്യലിനോട് ആവശ്യപ്പെട്ട സംഭവത്തിലുള്പ്പെട്ട ചെസ് താരം അലുവ നര്മാന് ആരാണ് എന്നതൊക്കെയാണ് സാമൂഹിക മാധ്യമങ്ങളില് ചെസ് ആസ്വാദകര് പങ്കുവെക്കുന്നത്.
ഖസാക്കിസ്ഥാനില് നിന്നുള്ള 18 വയസ്സുള്ള നര്മാന് ചെസില് വളര്ന്ന് വരുന്ന താരമാണ്. വുമണ് ഗ്രാന്ഡ്മാസ്റ്റര് (ഡബ്ല്യുജിഎം) ആയ നര്മാന് ആഗോള സര്ക്യൂട്ടിലെ ഏറ്റവും മികച്ച യുവ കളിക്കാരില് ഒരാളാണ്. മികച്ച ജൂനിയര് വനിതാ കളിക്കാരില് ഒരാളെന്ന റാങ്കിലേക്ക് അവര് ഉയര്ത്തപ്പെട്ടിട്ടുണ്ട്.
ഗെയിമിനോടുള്ള നിര്ഭയമായ സമീപനവും അന്താരാഷ്ട്ര തലമത്സരങ്ങളിലെ സ്ഥിരമായ മികച്ച പ്രകടനങ്ങളും അലുവ നര്മാന്റെ പ്രശസ്തി ഏറ്റി. എലൈറ്റ് ടൂര്ണമെന്റുകളില് മാഗ്നസ് കാള്സണെ പോലെ തലയെടുപ്പുള്ള എതിരാളികളെ വെല്ലുവിളിക്കുന്ന പുതിയ തലമുറയുടെ പ്രതിനിധി കൂടിയാണ് അലുവ നര്മാന്.
