വിഴിഞ്ഞം നാവായിക്കുളം ഔട്ടർ റിംഗ് റോഡിന്റെ അലൈന്മെന്റിൽ അപാകത എന്ന് പ്രദേശവാസികൾ

വിഴിഞ്ഞം നാവായിക്കുളം ഔട്ടർ റിംഗ് റോഡിന്റെ അലൈന്മെന്റിൽ ഗുരുതര പിഴവെന്ന് പ്രദേശവാസികൾ. വിഴിഞ്ഞം നാവായിക്കുളം ഔട്ടർ റിംഗ് റോഡിന്റെ ഭാഗമായി തേക്കട മുതൽ മംഗലപുരം വഴിയുള്ള ലിങ്ക് റോഡ് പദ്ധതി ഉപേക്ഷിക്കണം എന്നാണു നാട്ടുകാരുടെ ആവശ്യം

യാതൊരുവിധമായ പാരിസ്ഥിതി പഠനവും നടത്താതെയാണ് റോഡ് നിർമ്മിക്കാനുള്ള അലൈൻമെന്റ് തയ്യാറാക്കിയത് എന്നാണ് നാട്ടുകാരുടെ ആരോപണം. കൂടാതെ നിലവിലെ തേക്കട മംഗലപുരം റോഡ് വീതി കൂട്ടി വികസിപ്പിച്ചു വരികയാണ് എന്നും, ഈ റോഡുമായി നിര്‍ദ്ധിഷ്ട അലൈമെന്റ് സമാന്തരമായിയാണ് പോകുന്നത്. 50 മീറ്റര്‍ വ്യത്യാസത്തില്‍ എന്തിനാണ് 2 റോഡുകള്‍ എന്നും ആണ് പ്രദേശവാസികൾ ചോദിക്കുന്നത്.

നിലവിലെ അലൈൻമെന്റ് പ്രകാരം റോഡ് പണിയുകയാണ് എങ്കിൽ വെമ്പായം വില്ലേജില്‍ മാത്രം ആയിരത്തി നാനൂറോളും വീടുകൾ പൊളിച്ചു മാറ്റേണ്ടി വരും എന്ന് പ്രദേശവാസികൾ പറയുന്നു.

വി​ഴി​ഞ്ഞം-​നാ​വാ​യി​ക്കു​ളം, തേ​ക്ക​ട-​മം​ഗ​ല​പു​രം ഔ​ട്ട​ർ റി​ങ് റോ​ഡ് പ​ദ്ധ​തി​ക്ക്​ സ്ഥ​ല​മേ​റ്റെ​ടു​ക്കാ​ൻ ദേ​ശീ​യ​പാ​ത അ​തോ​റി​റ്റി കഴിഞ്ഞ വര്ഷമാണ് വി​ജ്ഞാ​പ​ന​മി​റ​ക്കിയത്. 324.75 ഹെ​ക്ട​ർ ഭൂ​മി ഏ​റ്റെ​ടു​ക്കു​ന്ന​തു സം​ബ​ന്ധി​ച്ച വി​ജ്ഞാ​പ​ന​മാ​ണ് പു​റ​ത്തി​റ​ങ്ങി​യ​ത്. നെ​യ്യാ​റ്റി​ൻ​ക​ര, കാ​ട്ടാ​ക്ക​ട, തി​രു​വ​ന​ന്ത​പു​രം, നെ​ടു​മ​ങ്ങാ​ട്, ചി​റ​യി​ൻ​കീ​ഴ്, വ​ർ​ക്ക​ല താ​ലൂ​ക്കു​ക​ളി​ലെ 30 വി​ല്ലേ​ജു​ക​ളി​ലെ ഭൂ​മി​യാ​ണ് റോ​ഡി​നാ​യി ഏ​റ്റ​ടു​ക്കു​ന്ന​ത്. ജി​ല്ല​യി​ലെ ഏ​റ്റ​വും വ​ലി​യ സ്ഥ​ല​മെ​ടു​പ്പി​നാ​ണ് ഇ​തോ​ടെ ക​ള​മൊ​രു​ങ്ങു​ന്ന​ത്.