ഇ പോസ് മെഷീനുകളുടെ സര്‍വര്‍ തകരാര്‍ മൂലം സംസ്ഥാനത്ത് റേഷന്‍കടകള്‍ ഇന്നും നാളെയും തുറക്കില്ല
ഇ പോസ് മെഷീനുകളുടെ സര്‍വര്‍ തകരാര്‍ മൂലം സംസ്ഥാനത്ത് റേഷന്‍കടകള്‍ ഇന്നും നാളെയും തുറക്കില്ല.
സര്‍വര്‍ തകരാര്‍ പരിഹരിക്കല്‍ വൈകിയതോടെയാണ് കടകള്‍ അടച്ചിടാന്‍ തീരുമാനം എടുത്തത്.
സെര്‍വര്‍ തകരാറ് പരിഹരിക്കാന്‍ വെള്ളിയാഴ്ച വരെയാണ് ഹൈദരാബാദ് എന്‍ഐസി സമയം ആവശ്യപ്പെട്ടിരിക്കുന്നത്. ഈ മാസത്തെ റേഷന്‍ വിഹിതം ഉപഭോക്താക്കള്‍ക്ക് മെയ് അഞ്ചുവരെ വാങ്ങാമെന്ന് ഭക്ഷ്യവകുപ്പ് അറിയിച്ചിട്ടുണ്ട്
ഏപ്രില്‍ 29, മെയ് 2, 3 തീയതികളില്‍ റേഷന്‍ കടകളുടെ പ്രവര്‍ത്തനത്തിന് സമയക്രമം തീരുമാനിച്ചിട്ടുണ്ട്. മലപ്പുറം, തൃശൂര്‍, പാലക്കാട്, കൊല്ലം, ആലപ്പുഴ, പത്തനംതിട്ട, വയനാട് ജില്ലകളില്‍ ഈ ദിവസങ്ങളില്‍ രാവിലെ എട്ടു മുതല്‍ ഒരു മണി വരെ റേഷന്‍കടകള്‍ പ്രവര്‍ത്തിക്കുന്നതാണ്.
എറണാകുളം, കോഴിക്കോട്, തിരുവനന്തപുരം, കണ്ണൂര്‍, കോട്ടയം, കാസര്‍ഗോഡ്, ഇടുക്കി ജില്ലകളില്‍ ഏപ്രില്‍ 29, മെയ് 2, 3 തീയതികളില്‍ ഉച്ചയ്ക്ക് ശേഷം രണ്ടു മണി മുതല്‍ ഏഴു മണി വരെ റേഷന്‍ കടകള്‍ പ്രവര്‍ത്തിക്കും. മെയ് ആറു മുതലായിരിക്കും മെയ് മാസത്തെ റേഷന്‍ വിതരണം ആരംഭിക്കുന്നത്.
