2021-നേക്കാൾ മികച്ച ഭൂരിപക്ഷത്തിൽ ആറന്മുളയിൽ ഇടതുപക്ഷ ജനാധിപത്യ മുന്നണി വിജയിക്കും: വീണാ ജോർജ്

ആറന്മുളയിൽ വോട്ട് രേഖപ്പെടുത്തിയ ശേഷം പ്രതികരിച്ച് വീണാ ജോർജ്. കഴിഞ്ഞ തവണത്തേക്കാൾ വലിയ ഭൂരിപക്ഷത്തിൽ എൽഡിഎഫ് വിജയിക്കുമെന്ന് പ്രത്യാശ പ്രകടിപ്പിച്ചു. 2021-നേക്കാൾ മികച്ച ഭൂരിപക്ഷത്തിൽ ആറന്മുളയിൽ ഇടതുപക്ഷ ജനാധിപത്യ മുന്നണി വിജയിക്കും.

തിരഞ്ഞെടുപ്പ് പ്രചാരണത്തിന്റെ തുടക്കം മുതൽ തനിക്കെതിരെ വ്യക്തിപരമായ അധിക്ഷേപങ്ങൾ നടക്കുന്നുണ്ടെന്നും എന്നാൽ പോളിങ് ശതമാനം ഉയരുന്നത് തനിക്ക് അനുകൂലമാകുമെന്നും അവർ കൂട്ടിച്ചേർത്തു.

അതേസമയം ആറന്മുള മണ്ഡലത്തിലെ വോട്ടിങ് മെഷീനിൽ ക്രമക്കേടുണ്ടെന്ന ആരോപണവുമായി യുഡിഎഫ് രംഗത്തെത്തി. മെഷീനിൽ എൽഡിഎഫ് സ്ഥാനാർത്ഥി വീണാ ജോർജിന്റെ ഫോട്ടോയ്ക്ക് മാത്രമേ വ്യക്തതയുള്ളൂവെന്നും മറ്റ് സ്ഥാനാർത്ഥികളുടെ ചിത്രങ്ങൾ മങ്ങിയ നിലയിലാണെന്നുമാണ് കോൺഗ്രസ് ആരോപിക്കുന്നത്.