കേരളവുമായി ബന്ധപ്പെട്ട വിഷയം; ശബരിമല വിഷയത്തിൽ തീരുമാനം സംസ്ഥാന സർക്കാരിന്: എംഎ ബേബി
സിപിഐ എം ജനറൽ സെക്രട്ടറി എം. എ. ബേബി ശബരിമല യുവതീ പ്രവേശന വിഷയത്തിൽ ആവശ്യമായ സാഹചര്യത്തിൽ സർക്കാർ ഉചിതമായ തീരുമാനം കൈക്കൊള്ളുമെന്ന് വ്യക്തമാക്കി. ഈ വിഷയത്തിൽ പാർട്ടിയോട് ഔദ്യോഗികമായി നിലപാട് ചോദിച്ചിട്ടില്ലെന്നും, ഇത് കേരളവുമായി ബന്ധപ്പെട്ട വിഷയമാണെന്നും അദ്ദേഹം പറഞ്ഞു. സംസ്ഥാന സർക്കാർ ചര്ച്ച ചെയ്ത് തീരുമാനം എടുക്കട്ടെയെന്നതാണ് പാർട്ടിയുടെ നിലപാടെന്നും അദ്ദേഹം കൂട്ടിച്ചേർത്തു.
സമൂഹത്തിൽ ഒഴിവാക്കാവുന്ന സംഘർഷങ്ങൾ ഒഴിവാക്കണമെന്നും, മാറ്റങ്ങൾ കാലാനുസൃതമായി വരേണ്ടതാണെന്ന സമീപനമാണ് പാർട്ടി പിന്തുടരുന്നതെന്നും അദ്ദേഹം വ്യക്തമാക്കി. എന്നാൽ അത്തരം മാറ്റങ്ങൾ ബന്ധപ്പെട്ട വിഭാഗങ്ങളെ ബോധ്യപ്പെടുത്തി കൊണ്ടായിരിക്കണം നടപ്പാക്കേണ്ടതെന്നും അദ്ദേഹം പറഞ്ഞു. കൂടുതലൊന്നും പറയാനില്ലെന്നും, കേരളത്തിൽ സംഭവിക്കാൻ പോകുന്ന വിസ്മയം ഭരണത്തുടർച്ചയായിരിക്കുമെന്നുമാണ് അദ്ദേഹത്തിന്റെ വിലയിരുത്തൽ.
പ്രേംകുമാർ പാർട്ടി അംഗമല്ലെന്നും, വിശാല അടിസ്ഥാനത്തിൽ സാംസ്കാരിക പ്രവർത്തകരെ സിപിഐഎം ഉൾക്കൊണ്ടിട്ടുണ്ടെന്നും അദ്ദേഹം പറഞ്ഞു. പുതിയ തലമുറയ്ക്ക് വഴിയൊരുക്കിയ നേതാവാണ് E. Sreedharan എന്നും അദ്ദേഹം പ്രശംസിച്ചു. പ്രസംഗിക്കാൻ ക്ഷണിച്ചോ പേര് അച്ചടിച്ചോ എന്നതുപോലുള്ള കാര്യങ്ങൾ ചില നേതാക്കൾ ശ്രദ്ധിക്കാറുണ്ടെങ്കിലും, അത്തരം സമീപനങ്ങൾക്ക് അതീതമായി പുതിയ തലമുറയ്ക്ക് അവസരം ഒരുക്കിയ നേതാവാണ് ഇദ്ദേഹമെന്നും എം. എ. ബേബി കൂട്ടിച്ചേർത്തു.
