തിരുവനന്തപുരം കോര്പ്പറേഷന് ബിജെപിയെ ഏല്പ്പിക്കൂ, ബാക്കി കാര്യം ഞങ്ങള് നോക്കിക്കോളാം: സുരേഷ് ഗോപി
തദ്ദേശ തെരഞ്ഞെടുപ്പ് കഴിഞ്ഞ അഞ്ചുവർഷത്തെ ഭരണത്തിന്റെ വിലയിരുത്തലാണെന്ന് കേന്ദ്രമന്ത്രി സുരേഷ് ഗോപി വ്യക്തമാക്കി. വോട്ടർമാർ ഏറെ ഗൗരവത്തോടെയാണ് തദ്ദേശ തെരഞ്ഞെടുപ്പിനെ സമീപിക്കുന്നതെന്നും, ഈ തെരഞ്ഞെടുപ്പിൽ മാറ്റം അനിവാര്യമാണെന്നും അദ്ദേഹം അഭിപ്രായപ്പെട്ടു.
“2025-ൽ ഈ മാറ്റം വ്യക്തമായി പ്രത്യക്ഷപ്പെടും. കോർപ്പറേഷൻ ബിജെപിയ്ക്ക് ഏൽപ്പിക്കൂ, ബാക്കിയുള്ള കാര്യങ്ങൾ ഞങ്ങൾ ശ്രദ്ധിക്കും. 56 ഇടങ്ങളിൽ വിജയം ഉറപ്പാണ്. കവടിയാറിലും ശാസ്തമംഗലത്തും മത്സരിക്കുന്ന സ്ഥാനാർത്ഥികൾ ശക്തരാണ്,” സുരേഷ് ഗോപി പറഞ്ഞു.
മുൻ ഡിജിപി ആർ. ശ്രീലേഖയെ ഇനി ‘മാഡം’ എന്ന് മാത്രമേ വിളിക്കുകയുള്ളുവെന്ന് പറഞ്ഞ സുരേഷ് ഗോപി, ശ്രീലേഖ നഗരത്തിന്റെ സമഗ്രനായ നേതാവായി ഉയർന്നുവരും എന്നും കൂട്ടിച്ചേർത്തു. തിരുവനന്തപുരം കോർപ്പറേഷന്റെ ശാസ്തമംഗലം വാർഡിൽ ബിജെപി സ്ഥാനാർത്ഥിയായി മത്സരിക്കുന്നത് ആർ. ശ്രീലേഖയാണ്.
