കോൺഗ്രസിന്റെ ‘സമരാഗ്നി’ വി ഡി സതീശനും കെ സുധാകരനും ഒരുമിച്ച് നയിക്കും
31 December 2023
സംസ്ഥാന സർക്കറിനെതിരെ കെപിസിസി പ്രസിഡന്റ് നയിക്കുമെന്ന് പ്രഖ്യാപിച്ച ‘സമരാഗ്നി’ വി ഡി സതീശനും കെ സുധാകരനും ഒരുമിച്ച് നയിക്കും. കെ സുധാകരന്‍ പക്ഷം കെപിസിസിയില്‍ പിടിമുറുക്കുന്നുവെന്ന സാഹചര്യം വന്നതോടെയാണ് പ്രതിപക്ഷ നേതാവിനെയും ഇറക്കിയുള്ള എതിര്‍പക്ഷത്തിന്‍റെ പുതിയ നീക്കം. കെപിസിസി പ്രസിഡന്റ് കെ സുധാകരന്‍ നയിക്കുന്ന യാത്രയെന്നായിരുന്നു. എന്നാൽ പോസ്റ്ററിലിപ്പോള്‍ പ്രതിപക്ഷനേതാവും നായകനാണ്.
സംസ്ഥാന നിയമസഭാ സമ്മേളനം ആരംഭിക്കാനിരിക്കെ പ്രതിപക്ഷ നേതാവിന്‍റെ സൗകര്യം പോലും കണക്കിലെടുക്കാതെയാണ് രണ്ടേപേരെയും നായകരാക്കിയുള്ള യാത്രാ പ്രഖ്യാപനം. ചികിത്സയ്ക്കായി അമേരിക്കയിലേക്ക് പോകുന്ന കെ സുധാകരന്‍ രണ്ടാഴ്ച സമയമാണ് അവധി പറഞ്ഞത്. ഡോക്ടര്‍മാരുടെ നിര്‍ദേശംകൂടി കണക്കിലെടുത്താവും യാത്ര ഉള്‍പ്പടെ സാധ്യമാണോ എന്ന കാര്യത്തില്‍ അന്തിമ തീരുമാനം ഉണ്ടാവുക.
