ദക്ഷിണേന്ത്യയിൽ ഇത്തവണ “വലിയ വിജയം” ബിജെപിക്ക് ലഭിക്കും; പ്രവചിച്ച് അമിത് ഷാ

ലോക്സഭാ തെരഞ്ഞെടുപ്പിൽ ദക്ഷിണേന്ത്യയിൽ ഇത്തവണ “വലിയ വിജയം” ബിജെപിക്ക് ലഭിക്കുമെന്ന് പ്രവചിച്ച് കേന്ദ്ര ആഭ്യന്തര മന്ത്രി അമിത് ഷാ. “കർണാടക, ആന്ധ്രാപ്രദേശ്, തെലങ്കാന, തമിഴ്‌നാട് എന്നീ നാല് ദക്ഷിണേന്ത്യൻ സംസ്ഥാനങ്ങളിൽ തങ്ങൾ വലിയ വിജയത്തിലേക്ക് നീങ്ങുകയാണ് എന്ന് അദ്ദേഹം പറഞ്ഞു.

ദക്ഷിണേന്ത്യയിലെ കർണാടക, ആന്ധ്രാപ്രദേശ്, തെലങ്കാന, തമിഴ്‌നാട് എന്നിവിടങ്ങളിൽ 109 സീറ്റുകളാണുള്ളത്, ഇതിൽ കഴിഞ്ഞ തവണ ബിജെപി 29 സീറ്റുകൾ നേടിയിരുന്നു. കർണാടകയിൽ നിന്ന് 25 പേരും തെലങ്കാനയിൽ നിന്ന് നാല് പേരും. അതേസമയം ആന്ധ്രയിലും തമിഴ്‌നാട്ടിലും ബിജെപിക്ക് ഒരു സീറ്റും നേടാനായില്ല. 20 ലോക്‌സഭാ സീറ്റുകളുള്ള കേരളത്തിലും പാർട്ടി സംപൂജ്യരായിരുന്നു.

പ്രതിപക്ഷത്തെ കോൺഗ്രസിൻ്റെ നേതൃത്വത്തിലുള്ള ഇന്ത്യൻ ബ്ലോക്കുമായി തുടർച്ചയായ മൂന്നാം തവണയും പോരാടുന്ന ബിജെപി ഇത്തവണ 370+ സീറ്റുകൾ (അതിൻ്റെ നാഷണൽ ഡെമോക്രാറ്റിക് അലയൻസ് പങ്കാളികൾ ഉൾപ്പെടെ 400+) ആണ് ലക്ഷ്യമിടുന്നത്.

200-ലധികം സീറ്റുകളുള്ള ഉത്തർപ്രദേശ്, മധ്യപ്രദേശ്, ബിഹാർ, രാജസ്ഥാൻ, ഹരിയാന, ഗുജറാത്ത് തുടങ്ങി ഹിന്ദി ഹൃദയകേന്ദ്രങ്ങൾ തങ്ങളെ കൈവിടില്ലെന്നാണ് ബിജെപിയുടെ കണക്കുകൂട്ടലുകൾ.2019-ൽ പാർട്ടി ഈ സംസ്ഥാനങ്ങൾ തൂത്തുവാരി, ഇതിൽ 190-ലധികം സീറ്റുകൾ നേടി.ഇത്തവണയും ഇത് ആവർത്തിക്കുമെന്നാണ് പാർട്ടിയുടെ പ്രതീക്ഷ. അതേസമയം ദക്ഷിണേന്ത്യയിൽ കൂടുതൽ വേരുറപ്പിക്കാനുള്ള തന്ത്രങ്ങളും ബിജെപി പുറത്തെടുക്കുന്നുണ്ട്.

ദക്ഷിണേന്ത്യയിൽ ഏതെങ്കിലും സുപ്രധാന സഖ്യമില്ലാതെ ബിജെപി ഇത് ചെയ്യണം എന്നതാണ് പ്രധാനം.അമിത് ഷായും പ്രധാനമന്ത്രിയും ദക്ഷിണേന്ത്യൻ സംസ്ഥാനങ്ങളിൽ ബിജെപിയുടെ പോരാട്ടത്തിന് നേതൃത്വം നൽകി.ഈ വർഷം കേരളത്തിലും തമിഴ്‌നാട്ടിലും മാത്രം മോദി ഒരു ഡസനിലധികം സന്ദർശനങ്ങൾ നടത്തി. ഒപ്പം മുതിർന്ന നേതാക്കളെ ആന്ധ്രപ്രദേശിലും തെലങ്കാനയിലും വിന്യസിച്ചു.

ദക്ഷിണേന്ത്യയിലെ അഞ്ച് സംസ്ഥാനങ്ങളിൽ കോൺഗ്രസിനേക്കാൾ കൂടുതൽ സീറ്റുകൾ തങ്ങൾ നേടുമെന്ന് അമിത് ഷാ ഈ മാസം കർണാടകയിലെ ഹവേരിയിൽ എത്തിയ ഷാ വാർത്താ ഏജൻസിയായ എഎൻഐയോട് പറഞ്ഞു,