നവി മുംബൈയിൽ പുതിയ അന്താരാഷ്ട്ര വിമാനത്താവളം നിർമ്മിക്കാൻ അദാനി ഗ്രൂപ്പ്

single-img
10 June 2023

രാജ്യത്ത് വ്യോമ ഗതാഗതത്തിന് തിരക്ക് വർധിക്കുന്നത് സാഹചര്യം കണക്കിലെടുത്തുകൊണ്ടു മഹാരാഷ്ട്രയിലെ നവി മുംബൈയിൽ പുതിയ അന്താരാഷ്ട്ര വിമാനത്താവളം കൂടി ഒരുക്കാൻ ​ലക്ഷ്യമിടുന്നു. നവി മുംബൈയിലെ മുംബൈ മെട്രോപൊളിറ്റൻ മേഖലയിലെ കേന്ദ്രഭാഗത്തായാണ് പുതിയ എയർപോർട്ട് വരുന്നത്.

അദാനി എയർപോർട്സ് ആണ് ഈ വിമാനത്താവളം നിർമിക്കുകയും സംരക്ഷിക്കുകയും ചെയ്യുക. നാല് ഘട്ടമായാണ് പുതിയ വിമാനത്താവളത്തിന്റെ നിർമാണം. ഊർജ്ജ- പ്രകൃതി സംരക്ഷണ നിയമങ്ങളെല്ലാം പാലിച്ചായിരിക്കും വിമാനത്താവളം നിർമിക്കുക. ഇവിടെ ഉപയോഗിക്കുന്ന എല്ലാ വാഹനങ്ങളും വൈദ്യുത വാഹനങ്ങളായിരിക്കും.

വിമാനത്താവളത്തിൽ പലയിടങ്ങളിലായി ചാർജിങ് സ്റ്റേഷനുകളും ഒരുക്കും. സോളാർ വൈദ്യുതിയായിരിക്കും കൂടുതലും ഉപയോഗിക്കുക. ദേശീയ പുഷ്പമായ താമരയുടെ മാതൃകയിലാണ് ടെർമിനലുകൾ ഒരുക്കുക. അടുത്തവർഷം 4 ഡിസംബറോടുകൂടി ആദ്യ രണ്ട് ഘട്ടം പൂർത്തിയാക്കും. 1160 ഹെക്ടർ വിസ്തൃതിയിലാണ് വിമാനത്താവളം ഒരുക്കുന്നത്. കഴിഞ്ഞ ദിവസം മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെയും ഉപ മുഖ്യമന്ത്രി ദേവേന്ദ്ര ഫട്നാവിസും വിമാനത്താവള നിർമാണം നടക്കുന്ന സ്ഥലം സന്ദർശിച്ചു.