യോഗി ആദിത്യനാഥിനെ കൊല്ലുമെന്ന് ഭീഷണിപ്പെടുത്തി; ജാർഖണ്ഡിൽ നിന്നുള്ള യുവാവിനെതിരെ യുപി പോലീസ് കേസെടുത്തു

യുപി മുഖ്യമന്ത്രി യോഗി ആദിത്യനാഥിനെ കൊല്ലുമെന്ന്ഭീ ഷണിപ്പെടുത്തിയ ജാർഖണ്ഡിൽ നിന്നുള്ള ഒരാൾക്കെതിരെ ഉത്തർപ്രദേശിലെ ബാഗ്പത് പോലീസ് കേസെടുത്തു. യോഗി ആദിത്യനാഥിനെ വെടിവെച്ച് കൊല്ലുമെന്ന് പ്രതിജ്ഞയെടുക്കുന്ന ഒരു പോസ്റ്റ് അമൻ രാജ ഫേസ്ബുക്കിൽ പങ്കുവെക്കുകയായിരുന്നു .

ഈ പോസ്റ്റിന്റെ സ്‌ക്രീൻഷോട്ട് ഉത്തർപ്രദേശ് മുഖ്യമന്ത്രിക്കും പോലീസ് ഡയറക്ടർ ജനറലിനും മറ്റ് ഉദ്യോഗസ്ഥർക്കും ട്വീറ്റ് ചെയ്തു. തിങ്കളാഴ്ച ബാഗ്പത്തിലെ കോട്വാലി പോലീസ് സ്റ്റേഷനിൽ അമൻ രാജയ്‌ക്കെതിരെ കേസെടുത്തതായി ബാഗ്പത് സർക്കിൾ ഓഫീസർ ഡികെ ശർമ്മ മാധ്യമങ്ങളോട് പറഞ്ഞു.