മുഖ്യമന്ത്രിയുടെ വാഹനത്തിന് നേരെ ഓടിയടുത്ത് തെരുവുനായ; സുരക്ഷാ ഉദ്യോഗസ്ഥൻ ആട്ടിയോടിക്കുന്ന ദൃശ്യങ്ങൾ പുറത്തുവന്നു
![single-img](https://www.evartha.in/wp-content/themes/nextline_evartha_v2/images/footer_logo.png)
![](https://www.evartha.in/wp-content/uploads/2022/09/cm.gif)
സിപിഎം പോളിറ്റ് ബ്യുറോ യോഗത്തിൽ പങ്കെടുക്കാനായി ഇന്ന് ഡൽഹിയിലെത്തിയ മുഖ്യമന്ത്രി പിണറായി വിജയന്റെ വാഹനത്തിന് നേരെ ഓടിയടുത്ത് തെരുവുനായ. നായ മുഖ്യമന്ത്രിയുടെ സമീപം എത്തുന്നതിന് മുമ്പ് തന്നെ സുരക്ഷാ ഉദ്യോഗസ്ഥൻ ആട്ടിയോടിച്ചു. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്.
ഇന്ന് മുഖ്യമന്ത്രി എകെജി ഭവനിലെത്തിയപ്പോഴാണ് സംഭവം. അതേസമയം, സംസ്ഥാനത്തെ തെരുവ് നായാ ആക്രമണങ്ങൾ രൂക്ഷമായതോടെ കേരളാ ഹൈക്കോടതിയും രംഗത്തുവന്നിട്ടുണ്ട്. നായകൾ ഉപദ്രവിക്കുന്നതിൽ നിന്നും ജനങ്ങളെ സംരക്ഷിക്കാന് സര്ക്കാരിനു ബാധ്യതയുണ്ടെന്ന് ഹൈക്കോടതി പറഞ്ഞു.
അക്രമകാരികളായ നായ്ക്കളെ പൊതുസ്ഥലങ്ങളില് നിന്നു മാറ്റണം. സര്ക്കാര് ചെയ്യാന് ഉദ്ദേശിക്കുന്ന പരിഹാര നടപടികള് നാളേയ്ക്കകം വ്യക്തമാക്കി റിപ്പോര്ട്ട് നല്കണമെന്നു ജസ്റ്റിസുമാരായ എ കെ ജയശങ്കര് നമ്പ്യാര്, പി ഗോപിനാഥ് എന്നിവരുള്പ്പെടുന്ന ഡിവിഷന് ബെഞ്ച് ആവശ്യപ്പെട്ടു.