ലോക്ക്ഡൗൺ അവസാനിച്ചതോടെ ചൈനയിൽ കാട്ടുതീ പോലെ കോവിഡ് പടരുന്നതായി റിപ്പോർട്ട്
ലോകത്തിലെ ഏറ്റവും കർശനമായ ലോക്ക്ഡൗണുകളിൽ ഒന്ന് ചൈന അവസാനിപ്പിച്ചതോടെ കാട്ടുതീ പോലെ കോവിഡ് പടരുന്നതായി റിപ്പോർട്ട്. പ്രസിഡന്റ് ഷി ജിൻപിങ്ങിന്റെ സീറോ കോവിഡ് നയത്തിൽ ഇളവ് വരുത്തിയതോടെയാണ് രാജ്യ വ്യാപകമായി കോവിഡ് കേസുകളിൽ വലിയ വർദ്ധനവ് ഉണ്ടായതു എന്നാണു റിപ്പോർട്ടുകൾ സൂചിപ്പിക്കുന്നത്.
നിങ്ങൾ കണക്കുകൾ നോക്കുകയാണെങ്കിൽ, ചൈനയിൽ ഏകദേശം 25 ശതമാനം ആളുകൾക്ക് മാത്രമേ ഒമൈക്രോണിനെതിരെ പ്രതിരോധശേഷിയുള്ളൂ. ലോക്ക് ഡൌൺ അവസാനിപ്പിച്ചാൽ ജനസംഖ്യയുടെ 75 ശതമാനവും രോഗബാധിതരാകും. കേസുകളിൽ വലിയ വർദ്ധനവ് ഉണ്ടായാൽ ആശുപത്രികൾക്ക് അത് താങ്ങാൻ കഴിഞ്ഞെന്നു വരില്ല. ഇത് കാട്ടുതീ പോലെ പടരും- വാഷിംഗ്ടൺ യൂണിവേഴ്‌സിറ്റിയിലെ ഇൻസ്റ്റിറ്റ്യൂട്ട് ഓഫ് ഹെൽത്ത് മെട്രിക്‌സ് ആൻഡ് ഇവാലുവേഷൻ പ്രൊഫസർ ഡോ. അലി മൊക്ദാദ് പറയുന്നു.
ചൈന അതിർത്തികൾ തുറക്കുമ്പോൾ പുതുവർഷത്തിൽ കേസുകളുടെ എന്നതിൽ വലിയ വർദ്ധനവ് ഉണ്ടാകും എന്ന് കഴിഞ്ഞ ദിവസം സിംഗപ്പൂരിലെ ആരോഗ്യമന്ത്രി ഓങ് യെ കുങ് മുന്നറിയിപ്പ് നൽകി.
24 മണിക്കൂറിനുള്ളിൽ 31,444 വൈറസ് കേസുകൾ വർദ്ധിച്ചു, ദേശീയ ആരോഗ്യ കമ്മീഷൻ നവംബർ 26 ന് വെളിപ്പെടുത്തി. 2019 അവസാനത്തിൽ വുഹാനിൽ കൊറോണ വൈറസ് ആദ്യമായി കണ്ടെത്തിയതിന് ശേഷമുള്ള ഏറ്റവും ഉയർന്ന പ്രതിദിന കണക്കാണിത്. ഈ വർഷത്തിന്റെ തുടക്കം മുതൽ മറ്റ് മിക്ക രാജ്യങ്ങളും നിയന്ത്രണങ്ങൾ എടുത്തുകളഞ്ഞിട്ടും ചൈന ലോക്ക്ഡൗൺ തുടരുകയായിരുന്നു. ബെയ്ജിംഗിന്റെ തലസ്ഥാനം ഉൾപ്പെടെ നിരവധി നഗരങ്ങളിൽ കർശന നിയന്ത്രണം ബിസ്‌നസ്സുകളെ ബാധിച്ചു എന്നാണു റിപ്പോർട്ട്.
